విజయనగరం జిల్లాలోని రామతీర్థం ఆలయంపై దాడులు చేయించింది చంద్రబాబునాయుడేనని మంత్రి కొడాలి నాని ఆరోపించారు. చంద్రబాబుతో పాటు లోకేశ్, అశోక్ గజపతిరాజు, స్థానిక తెదేపా నేతలకు నార్కో పరీక్షలు చేయిస్తే నిజాలు బయటకు వస్తాయన్నారు. కృష్ణా జిల్లా గుడివాడలో మాట్లాడిన మంత్రి.. దేవుడంటే చంద్రబాబుకు నమ్మకం లేదన్నారు. రాజకీయాల కోసమే రామతీర్థంలో పర్యటించారని విమర్శించారు. సీఎం జగన్కు లోకేశ్ సవాల్ విసరడం విడ్డూరంగా ఉందన్నారు. రామతీర్థం ఘటనపై విచారణ జరుగుతుందని.. దోషులెవరో త్వరలోనే తేలుతుందని తెలిపారు.
ఇదీ చదవండి
రామతీర్థం ఘటన.. దేశం మొత్తానికి జరిగిన అవమానం: సునీల్ దేవధర్
