హైదరాబాద్ జలసౌధ వేదికగా గోదావరి-కావేరి అనుసంధానం(Godavari-Kaveri Rivers Connection)పై సమావేశం ప్రారంభమైంది. జాతీయ జలవనరుల అభివృద్ధి సంస్థ ఆధ్వర్యంలో 2వ సంప్రదింపుల భేటీ జరుగుతోంది. సమావేశంలో తెలంగాణ ఈఎన్‌సీ మురళీధర్, ఇంజినీర్లు పాల్గొన్నారు. దృశ్యమాధ్యమం ద్వారా 8 రాష్ట్రాల అధికారులు భేటీలో పాల్గొన్నారు.
గోదావరి (ఇచ్చంపల్లి), కావేరి (గ్రాండ్‌ ఆనికట్‌) నదుల అనుసంధానంపై చర్చించేందుకు జాతీయ జలాభివృద్ధి సంస్థ (ఎన్‌డబ్ల్యూడీఏ) శుక్రవారం ఎనిమిది సభ్య రాష్ట్రాలతో ఈ సమావేశం నిర్వహిస్తోంది. హైదరాబాద్‌లోని జలసౌధలో నిర్వహిస్తున్న ఈ సమావేశానికి సంస్థ డైరెక్టర్‌ జనరల్‌ భూపాల్‌ సింగ్‌ అధ్యక్షత వహిస్తున్నారు. దిల్లీ నుంచి కేంద్ర జల్‌శక్తి మంత్రిత్వ శాఖ అధికారులు, తెలంగాణ, ఏపీతోపాటు కేరళ, తమిళనాడు, మహారాష్ట్ర తదితర రాష్ట్రాల నీటిపారుదల శాఖ అధికారులు కొందరు ప్రత్యక్షంగా, మరికొందరు ఆన్‌లైన్‌లో పాల్గొన్నారు.
గోదావరి-కావేరి అనుసంధానాన్ని(Godavari-Kaveri Rivers Connection) ఇచ్చంపల్లి నుంచి కాకుండా తుపాకులగూడెం బ్యారేజి నుంచే చేపట్టే అంశాన్ని పరిశీలించాలని జాతీయ జల అభివృద్ధి సంస్థ (ఎన్‌డబ్ల్యూడీఏ(National Water Development Corporation)) ప్రతిపాదించింది. తెలంగాణ వ్యక్తంచేసిన అభ్యంతరాలను పరిగణనలోకి తీసుకుని ఈ సూచన చేసింది. ఇచ్చంపల్లి వద్ద బ్యారేజి నిర్మిస్తే గోదావరి ఎత్తిపోతల, శ్రీరామసాగర్‌ ప్రాజెక్టుపైన ఏ మేరకు ప్రభావం ఉంటుందో అధ్యయనం చేయాలని తెలంగాణ కోరింది. ఆంధ్రప్రదేశ్‌, తమిళనాడు, కర్ణాటక, కేరళ తదితర రాష్ట్రాలు కూడా పలు మార్పులు సూచించాయి.
ఇదీ చదవండి: Azadi Ka Amrit Mahotsav: జాతీయోద్యమంలో స్వదేశీ జ్వాలను రగిలించిన అగ్గిపెట్టే
