ప్రభుత్వం ఇచ్చే పింఛన్లో రూ.50 వైకాపా నేతలు పెట్టిన హుండీలో వేయించడంపై తెదేపా జాతీయ ప్రధాన కార్యదర్శి నారా లోకేశ్ ధ్వజమెత్తారు. పింఛన్ వెయ్యి పెంచుతామని హామీ ఇచ్చి... రూ.250 మాత్రమే పెంచి... అందులో 50 రూపాయలు హుండీలో వేయించుకుంటున్నారని ఆరోపించారు. మిగిలిన సొమ్ము చిరిగిపోయిన నోట్లు ఇచ్చి... వృద్ధుల నోరుకొడుతున్నారని లోకేశ్ ఆవేదన వ్యక్తం చేశారు.
తన పింఛన్ మొత్తం ఇవ్వలేదని ఓ అవ్వ అడుగుతుంటే... చినిగిపోయిన నోట్లిచ్చి మోసంచేశారని మరో తాత నిలదీస్తున్నాడంటూ ట్విట్టర్ వేదికగా లోకేశ్ దుయ్యబట్టారు. పింఛన్లో సగమే ఇచ్చారయ్యా అంటూ... ఓ వితంతువు... వైకాపా నేత తన దగ్గర రూ.50 తీసుకుంటున్నాడని ఓ దివ్యాంగుడు వాపోతున్నాడని వెల్లడించారు. ప్రతినెలా ఒకటో తేదీనే అందుకునే పింఛన్... గత నెల వారం దాటాక ఇచ్చారని లోకేశ్ గుర్తుచేశారు. ఈ నెల సగమే ఇచ్చి అవ్వాతాతలు... వితంతువులు, దివ్యాంగుల ఉసురు పోసుకుంటున్నారని ఆగ్రహం వ్యక్తం చేశారు.
ఇదీ చదవండి...
