highway robbery gang at Guntur: గుంటూరు జిల్లా యడ్లపాడు మండలం పరిధిలో దారి దోపిడీ దొంగలు రెచ్చిపోతున్నారు. బైక్‌పై వెళ్తున్న వారిపై దాడిచేసి నగదు లాక్కెళ్లుతున్నారు. లింగారావుపాలెం సమీపంలో ద్విచ‌క్ర‌వాహ‌నాలపై వెళ్తున్న దంప‌తుల నుంచి బంగారు న‌గ‌లు, నగదు దోచుకెళ్లిన ఘ‌ట‌న సోమ‌వారం రాత్రి జ‌రిగింది. బాధితులు మంగ‌ళ‌వారం ఇచ్చిన ఫిర్యాదు మేరకు యడ్లపాడు పోలీసులు కేసు నమోదు చేసి విచారణ చేపట్టారు. ఈ దోపిడీకి సంబంధించిన వివరాలను యడ్లపాడు ఎస్సై రాంబాబు వెల్లడించారు.
లింగారావుపాలెం ఎస్సీ కాల‌నీకి చెందిన వీర‌య్య, ప్ర‌స‌న్న దంప‌తులు. గుంటూరు వెళ్లి సోమ‌వారం రాత్రి 9:30 గంట‌ల సమయంలో ఇంటికి వెళ్తున్నారు. బోయపాలెం నుంచి లింగారావుపాలెం మార్గంలోని చెరువు వ‌ద్ద‌కు రాగానే గుర్తుతెలియ‌ని యువ‌కులు వారిపై క‌ర్ర‌ల‌తో దాడి చేసి ప‌క్క‌నే ఉన్న పొలంలోకి వారిని లాక్కెళ్లారు. వీర‌య్య‌ను కొట్టి గాయ‌ప‌రిచారు. ప్ర‌స‌న్న చెవుల‌కు ఉన్న 3.5గ్రాముల బంగారు ఆభ‌ర‌ణాలు, రూ.2,300ల నగదు, సెల్‌ఫోన్ లాక్కుని పంపించారు.
Roadside Robbery in Guntur మ‌రికొద్దిసేప‌టికి అదే మార్గంలో అంక‌మ్మ, న‌ర‌స‌మ్మ దంప‌తుల‌పైనా దాడి చేసి చెవి క‌మ్మ‌లు, జూకాలు సెల్‌ఫోన్ లాక్కున్నారు. గొలుసు లాగే క్ర‌మంలో సగం తెగి అంక‌మ్మ జాకెట్‌లో ప‌డింది. ఆ తర్వాత వారు ప్రాధేయ‌ప‌డ‌టంతో వ‌దిలేశారు. స‌మాచారం తెలుసుకున్న కాల‌నీవాసులు.. పెద్ద ఎత్తున ఘ‌ట‌నా స్థ‌లానికి చేరుకున్నారు. ఈ లోపే దుండగులు ప‌రార‌య్యారు. క్ష‌త‌గాత్రులు చిల‌క‌లూరిపేట ప్ర‌భుత్వ ఆసుప‌త్రిలో చికిత్స పొందుతున్నారు. బాధితుడు వీర‌య్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు. డాగ్‌ స్క్వాడ్ రప్పించి త‌నిఖీలు నిర్వ‌హించారు. ఫింగ‌ర్‌ప్రింట్స్ తీసుకొని ల్యాబ్కు పంపినట్లు ఎస్సై తెలిపారు.
వరుస దోపిడీలతో స్థానికుల్లో భయాందోళన..
ఈనెల 6న రాత్రి బోయపాలెం వద్ద రెండు దారి దోపిడీలు జరిగాయి. యడ్లపాడు మండలంలో వరుస దారి దోపిడీల నేపథ్యంలో స్థానికుల్లో భయాందోళనకు గురవుతున్నారు.
తాడేపల్లిలో ఇంజినీరింగ్‌ విద్యార్థుల మొబైల్‌ ఫోన్లు చోరీ
తాడేపల్లి వద్ద బ్యాగ్‌లో ఉంచిన 24 మొబైల్‌ ఫోన్లు చోరీకి గురయ్యాయి. వట్టిచెరుకూరు కిట్స్‌ ఇంజినీరింగ్‌ కళాశాల విద్యార్థులు కృష్ణానదిలో స్నానానికి వెళుతూ ఒడ్డున బ్యాగ్‌లో 24 సెల్‌ఫోన్లు ఉంచారు. స్నానం తర్వాత ఒడ్డుకు చేరుకుని చూసేసరికి ఆ బ్యాగ్‌ కనిపించలేదు. అనంతరం విద్యార్థులు తాడేపల్లి పోలీసులను ఆశ్రయించారు. సుమారు రూ.3లక్షల విలువైన సెల్‌ఫోన్లు చోరీకి గురైనట్లు ఫిర్యాదు చేశారు. దీనిపై కేసు నమోదు చేసిన పోలీసులు.. కృష్ణా కరకట్ట వెంబడి ఉన్న సీసీ కెమెరాల ఫుటేజీని పరిశీలిస్తున్నారు.
ఇదీ చదవండి..
Student Vanished In Flood Water: వాగులో గల్లంతైన 9వ తరగతి విద్యార్థి
