గణపతి వేడుకల్లో..గజల్ శ్రీనివాస్ భక్తిగీతాలతో సందడి
గుంటూరు అమరావతిలో 30 అడుగుల మట్టి గణపతిని భాజపా రాష్ట్ర అధ్యక్షుడు కన్నా లక్ష్మీనారాయణ సందర్శించి పూజలు నిర్వహించారు. గణపతి నవరాత్రి మహోత్సవాల్లో భాగంగా ఏడో రోజు గణనాథుడి పందిరిలో సాంస్కృతిక కార్యక్రమాలు ఏర్పాటు చేశారు. అందులో ప్రముఖ గాయకుడు గజల్ శ్రీనివాస్ చేసిన భక్తిగీతాలాపన కార్యక్రమం ఆకట్టుకుంది. అనంతరం కడపజిల్లా ప్రొద్దుటూరు పులివెందులకు చెందిన నటరాజక్షేత్రం వారిచే చిన్నారుల భరతనాట్యం, క్లాసికల్ నృత్యాలు నిర్వహించారు. కార్యక్రమంలో పెద్దఎత్తున భక్తులు, కళాకారులు పాల్గొన్నారు. కళాకారులను భాజపా రాష్ట్ర అధ్యక్షడు కన్నా లక్ష్మీనారాయణ ఘనంగా సత్కరించారు.
