Farmer's Mahadharna: ఇందిరాపార్క్ వద్ద రైతుల మహా ధర్నా

హైదరాబాద్​లోని ఇందిరాపార్క్ వద్ద రైతులు రేపు మహాధర్నా చేపట్టనున్నారు. నూతన వ్యవసాయ చట్టాల రద్దు కోరుతూ రైతు సంఘాలు ప్రారంభించిన ఉద్యమం ఏడాది పూర్తైన సందర్భంగా మహాధర్నా నిర్వహించనున్నట్లు అఖిల భారత సంఘాల సమన్వయ కమిటీ తెలిపింది.

Farmer's Mahadharna: కొత్త వ్యవసాయ చట్టాల రద్దు కోరుతూ రైతు సంఘాలు ఉద్యమం ప్రారంభించి ఏడాది పూర్తైన సందర్భంగా గురువారం ఇందిరాపార్క్‌ ధర్నాచౌక్‌లో మహాధర్నా నిర్వహిస్తామని అఖిల భారత రైతు సంఘాల సమన్వయ కమిటీ తెలిపింది. జాతీయ రైతు సంఘాల నేతలు రాకేశ్‌ టికాయిత్‌, హన్నన్‌ మొల్ల, ఆశిష్‌ మిత్తల్‌ తదితరులు ఇందులో పాల్గొంటారు. రాష్ట్రంలో ధాన్యాన్ని తక్షణమే మద్దతు ధరకు కొనాలని, వరదలతో నష్టపోయిన రైతులకు పరిహారం ఇవ్వాలని డిమాండ్​ చేస్తున్నట్లు కమిటీ నేతలు తెలిపారు. మహాధర్నాకు సంబంధించిన గోడపత్రికను మంగళవారం కమిటీ నేతలు పశ్య పద్మ, సాగర్‌, విస్సా కిరణ్‌, చంద్రశేఖర్‌ విడుదల చేశారు.