రాష్ట్రంలో 12 నుంచి 14 ఏళ్ల పిల్లలకు కొవిడ్‌ టీకా పంపిణీ బుధవారం నుంచి ప్రారంభం కాబోతుంది. ఈ వయసు కలిగిన పిల్లలు రాష్ట్రంలో 14.50 లక్షల మంది వరకు ఉన్నారు. వీరందరికీ సరిపడేలా కోర్బెవాక్స్‌ టీకా విజయవాడకు చేరుకోగా జిల్లాలకు పంపించారు. ముందుజాగ్రత్తగా ఈ వ్యాక్సిన్‌ను పిల్లలకు ఆసుపత్రుల్లో మాత్రమే వేసేలా చర్యలు తీసుకుంటున్నారు. వ్యాక్సినేషన్‌కు గడువు విధించలేదు. వీరికి రెండో డోసు పంపిణీపై స్పష్టమైన మార్గదర్శకాలు రాకున్నా తొలి డోసు వేసిన 28 రోజులకు రెండోది వేసే అవకాశముంది. 0.5 ఎంఎల్‌ మోతాదు చొప్పున ఒక వయల్‌ ద్వారా 20 మంది పిల్లలకు టీకా ఇవ్వనున్నారు.
ఇదీ చదవండి : Today Covid Cases: రాష్ట్రంలో కొత్తగా 59 కరోనా కేసులు...
