చెడుపై మంచి సాధించిన విజయానికి ప్రతీకగా జరుపుకునే దీపావళి పండుగ.. అందరి జీవితాల్లో వెలుగులు నింపాలని తెలుగుదేశం అధినేత చంద్రబాబు ఆకాంక్షించారు. తెలుగు ప్రజలందరికీ దీపావళి శుభాకాంక్షలు తెలిపారు. సరదాలు, సంబరాలు, దీపాల వెలుగులు, బాణాసంచాల జిలుగులతో అంతా సుఖ సంతోషాలతో జీవించాలని అభిలషించారు. సిరి సంపదలు, సౌభాగ్యం, స్నేహం ఎల్లప్పుడూ వెల్లివిరియాలని ఆశిస్తున్నట్లు తెలిపారు.
రాష్ట్రంలో సాగుతున్న అరాచక పాలన ముగింపునకు ఈ దీపావళి నాంది కావాలని తెదేపా రాష్ట్ర అధ్యక్షుడు అచ్చెన్నాయుడు పేర్కొన్నారు. పండుగను ఆనందంగా జరుపుకోవాల్సిన అమరావతి రైతులు పాదయాత్ర చేపట్టాల్సి రావటం బాధాకరమన్నారు. ప్రతీ కుటుంబం సుఖసంతోషాలతో దీపావళి జరుపుకోవాలని ఆకాంక్షించారు. రాష్ట్ర పరిస్థితి నరకాసుర పాలన మాదిరిగానే ఉందని తెదేపా జాతీయ ప్రధాన కార్యదర్శి నారా లోకేశ్ విమర్శించారు.
