వాస్తవాలు చెప్పిన టీచర్​ సస్పెన్షన్​ దారుణం: చంద్రబాబు

డాక్టర్ రమేష్​ గురించి వాస్తవాలు మాట్లాడిన టీచర్​ వెంకటేశ్వరరావును సస్పెండ్​ చేయడం దారుణమని తెదేపా అధినేత చంద్రబాబు అన్నారు. టీచర్​ కుటుంబానికి తెదేపా అండగా ఉంటుందన్నారు.

వైకాపా ప్రభుత్వం అమాయక వ్యక్తులపై చర్యలకు పాల్పడుతోందని తెదేపా అధినేత చంద్రబాబు మండిపడ్డారు. కృష్ణా జిల్లా ఉయ్యూరులో సస్పెండ్ అయిన టీచర్ నూకల వెంకటేశ్వరరావును చంద్రబాబు ఫోన్​లో పరామర్శించారు. కేవలం డాక్టర్ రమేష్ గురించి ప్రెస్​మీట్​లో నిజాలు మాట్లాడినందుకు మరో రెండు నెలల్లో టీచర్​గా రిటైర్మెంట్ కాబోతున్న వెంకటేశ్వరరావును అన్యాయంగా సస్పెండ్ చెయ్యడం దారుణమన్నారు. టీచర్ కుటుంబానికి తెలుగుదేశం అండగా ఉంటుందని చంద్రబాబు హామీ ఇచ్చారు.

ఇదీ చదవండి