ఎస్‌ఈసీతో సమావేశానికి పంచాయతీరాజ్‌ అధికారుల గైర్హాజరు

పంచాయతీ ఎన్నికల నిర్వహణ, ఏర్పాట్లపై చర్చించేందుకు రాష్ట్ర ఎన్నికల కమిషనర్(ఎస్​ఈసీ) నిమ్మగడ్డ రమేశ్ కుమార్ ఏర్పాటు చేసిన సమావేశానికి పంచాయతీరాజ్‌ అధికారులు గైర్హాజరయ్యారు. సమావేశానికి రావాలంటూ పంచాయతీ రాజ్ ఉన్నతాధికారికి ఎస్​ఈసీ మెమో జారీ చేసినా స్పందన కరవైంది.

అసలేం జరిగిందంటే...?

శుక్రవారం ఉదయం 10 గంటలకు పంచాయతీరాజ్ కీలక అధికారులతో భేటీ ఏర్పాటు చేయాలని భావించారు ఎస్ఈసీ. అయితే ముఖ్యమంత్రితో సమావేశం ఉందని అధికారులు చెప్పటంతో మధ్యాహ్నం 3 గంటలకు వాయిదా వేశారు. అయినప్పటికీ సమావేశానికి పంచాయతీరాజ్ ఉన్నతాధికారులు హాజరు కాలేదు. వారి తీరుపై ఆగ్రహించిన రమేశ్ కుమార్... పంచాయతీరాజ్ కమిషనర్ గిరిజా శంకర్​కు మెమో జారీ చేశారు. సాయంత్రం 5 గంటలకు నిర్వహించే భేటీకి తప్పక హాజరుకావాలని అందులో స్పష్టం చేశారు. అయినప్పటికీ సాయంత్రం 5 దాటినా అమరావతిలోని ఎన్నికల కమిషన్ కార్యాలయానికి అధికారులు చేరుకోలేదు. ఈ క్రమంలో ఎస్‌ఈసీ తదుపరి కార్యాచరణపై ఉత్కంఠ నెలకొంది. 

ఇదీ చదవండి