తెలంగాణలో గురువారం 920 కరోనా పాజిటివ్ కేసులు నమోదయినట్లు ఆ రాష్ట్ర వైద్య ఆరోగ్యశాఖ ప్రకటించింది. గడిచిన 24 గంటల్లో 3,616 నమూనాలను పరీక్షించగా.. 920 మందికి వైరస్ సోకినట్లు తెలిపారు. రాష్ట్రవ్యాప్తంగా మొత్తం బాధితుల సంఖ్య 11,364కి చేరింది.
కరోనాతో గురువారం మరో 5 మంది మృతిచెందారు. మృతుల సంఖ్య 230కి చేరింది. తాజాగా 327 మంది కోలుకున్నారు. ఇప్పటి వరకు 4,688 మంది డిశ్చార్జి అయ్యారు.
తాజాగా కేసుల్లో అత్యధికంగా జీహెచ్ఎంసీ పరిధిలో 737 నమోదయ్యాయి. రంగారెడ్డిలో 86, మేడ్చల్లో 60, కరీంనగర్లో 13 మంది కొవిడ్ బారిన పడ్డారు. మొత్తం 18 జిల్లాల్లో కరోనా కేసులు నమోదయినట్లు వైద్య ఆరోగ్యశాఖ స్పష్టం చేసింది.
ఇవీ చూడండి: నెహ్రూ జూపార్క్లో తెల్లపులి మృతి.. సీసీఎంబీకి రిపోర్టు!
