తెలంగాణలో కరోనా కేసులు క్రమంగా పెరుగుతున్నాయి. సంగారెడ్డి జిల్లాలో కొత్తగా ఆరుగురికి వైరస్ సోకింది. సంగారెడ్డిలో ఇద్దరు, అంగడిపేటలో ఇద్దరికి కరోనా పాజిటివ్ నిర్ధరణ అయ్యింది. జహీరాబాద్‌, కొండాపూర్‌లో ఒక్కొక్కరికి కరోనా సోకింది. ఆ రాష్ట్ర ఆర్థికమంత్రి హరీశ్‌రావు, ఎంపీ కొత్త ప్రభాకర్‌రెడ్డి సంగారెడ్డిలో పర్యటించి... కలెక్టర్‌తో నియంత్రణ చర్యలపై సమీక్షించారు. కరోనా పాజిటివ్ వచ్చిన ఆరుగురు బాధితులను చికిత్స కోసం తరలించారు. వారి కుటుంబ సభ్యులను క్వారంటైన్‌లో ఉంచారు. కొత్తగా వచ్చిన ఆరుగురితో కలుపుకుని తెలంగాణలో కరోనా కేసులు 133కు చేరుకున్నాయి.
ఇదీ చదవండి:
రాష్ట్రంలో మరో 21 మందికి కరోనా.. 132కు చేరిన పాజిటివ్ కేసులు
