ఇన్నాళ్లూ కొవిడ్ నిబంధనలతో ఇళ్లలోనే దీక్షలు చేసిన అమరావతి రైతులు, మహిళలు శిబిరాలకు చేరుకొని ధర్నాల్లో పాల్గొంటున్నారు. తుళ్లూరులో మహిళలు హైకోర్టు చిత్రపటానికి పూజలు చేశారు. న్యాయదేవత అమరావతిని కాపాడుతుందంటూ ఆశాభావం వ్యక్తం చేశారు. రాజధాని రైతుల పోరాటానికి పలు ప్రాంతాల నుంచి వచ్చి.. పలువురు సంఘీభావం ప్రకటిస్తున్నారు. ఎమ్మెల్సీ బీటెక్ రవి, మాజీ ఎమ్మెల్యే శ్రావణ్ కుమార్ పెదపరిమి, తుళ్లూరులో నిరసన కార్యక్రమాలకు సంఘీభావం ప్రకటించారు. తుళ్లూరులో దీక్షా శిబిరాన్ని పునరుద్ధరిస్తున్నారు. న్యాయం జరిగేంత వరకు ఎన్నాళ్లైనా పోరాడతామని.. రాజధాని అమరావతిని కాపాడుకుంటామని రైతులు, మహిళలు స్పష్టం చేశారు.
ఇదీ చదవండి: ఈ నెల 12న వైఎస్‌ఆర్‌ చేయూత పథకం ప్రారంభం
