How to Withdraw Deceased Employee PF : మరణించిన ఉద్యోగి పీఎఫ్.. నామినీ ఎలా పొందాలో మీకు తెలుసా?

How to Nominee Withdraw Deceased Member PF Benefits : ఈపీఎఫ్ అకౌంట్ ఉన్న ఉద్యోగి మరణిస్తే ఆయనకు వచ్చే ప్రయోజనాలు.. నామినీ ఎలా పొందాలో మీకు తెలుసా? దానికోసం ఏ విధంగా దరఖాస్తు చేయాలి? ఏయే పత్రాలు అవసరమో ఇప్పుడు చూద్దాం.

How to Nominee Withdraw Deceased Employee PF Money : ప్రభుత్వ లేదా ప్రైవేట్ రంగంలో ఉద్యోగం చేసే అందరికీ పీఎఫ్ గురించి తెలిసే ఉంటుంది. సదరు ఉద్యోగి పనిచేసే కంపెనీ చెల్లించే వేతనంలో వారి నిబంధనలకు అనుగుణంగా కొంత శాతం పీఎఫ్ రూపంలో చెల్లిస్తుంది. దీనికి అదనంగా కంపెనీ కూడా అంతే మొత్తంలో అమౌంట్​ను యాడ్ చేస్తుంది. ఈ పీఎఫ్​ను ఉద్యోగుల భవిష్య నిధి సంస్థ(ఈపీఎఫ్​ఓ) చెల్లిస్తోంది. అలాగే ఈపీఎఫ్​ఓ తమ చందాదారుల కోసం ప్రావిడెంట్ ఫండ్​తో పాటు పెన్షన్​ ఫండ్(EPS), ఎంప్లాయిస్ డిపాజిట్ లింకెడ్ ఇన్సూరెన్స్(ఈడీఎల్​ఐ) కింద బీమా వంటి ప్రయోజనాలను అందిస్తోంది.

Procedure PF withdrawal by Nominees : సాధారణంగా ఉద్యోగులు వీటిలో చేరినప్పుడే వారి నామినీని నియమిస్తుంటారు. EPFO సభ్యులు పదవీ విరమణకు ముందు మరణించిన సందర్భంలో వారి PF(Provident Fund) ప్రయోజనాలు(పీఎఫ్‌ మొత్తం, సంబంధిత వడ్డీ మొత్తం, పెన్షన్​) క్లెయిమ్ చేయడానికి సదరు ఉద్యోగి నామినీ/డిపెండెంట్​లను దాఖలు చేయడానికి ఈపీఎఫ్​ఓ అనుమతిస్తుంది. అయితే.. నామినీ లేదా కుటుంబ సభ్యులు ఆ ప్రయోజనాలు పొందాలంటే మొదట ఈ-నామినేషన్ దాఖలు చేయాలి.

ఈ-నామినేషన్​ను ఎలా దాఖలు చేయాలి?

How to Apply E-Nomination in Telugu : ఎవరైతే ఈపీఎఫ్​ సభ్యుడు ఉద్యోగ విరమణకు ముందు మరణిస్తారో వారి నామినీ లేదా కుటుంబ సభ్యుడు అయిన హక్కుదారు చనిపోయిన ఈపీఎఫ్ సభ్యుని వివరాలతో ఫారం 20ని ఫిల్ చేసి సమర్పించాలి. అలాగే సభ్యుడు చివరిగా ఉద్యోగం చేసిన కంపెనీ లేదా సంస్థ యజమాని ద్వారా ఈ దరఖాస్తును సమర్పించాలి. అదేవిధంగా ఈ ఫారం 20లో క్లెయిమ్​దారు ఆధార్-లింక్(Aadhaar Link) చేయబడిన సంప్రదింపు వివరాలను సమగ్రంగా అందించాల్సి ఉంటుంది. అప్లికేషన్ ఇచ్చిన తర్వాత హక్కుదారు క్లెయిమ్ ఫారం ఆమోదం గురించిన SMS నోటిఫికేషన్​లను స్వీకరిస్తారు. ఆ తర్వాత సభ్యుడు పొందే ప్రయోజనాలకు సంబంధించిన డబ్బు క్లెయిమ్​దారు బ్యాంకు అకౌంట్​లో జమ అవుతుంది.

Required Documents to E-Nomination Process :

ఈ-నామినేషన్​కు జతచేయవలసిన పత్రాలివే...

• ఈపీఎఫ్ సభ్యుని మరణ ధ్రువీకరణ పత్రం
• గార్డియన్​షిప్ సర్టిఫికెట్
• హక్కుదారు క్యాన్సిల్ చేసిన చెక్ కాపీ
• ఎంప్లాయిస్ డిపాజిట్ లింకెడ్ ఇన్సురెన్స్ స్కీమ్ కింద ప్రయోజనాలు క్లెయిమ్ చేయడానికి ఫారం 5(IF)
• అలాగే పెన్షన్ ప్రయోజనాలు పొందడానికి ఫారం 10(D)
• ఉపసంహరణ ప్రయోజనం కోసం ఫారం 10C, తదితర గుర్తింపు పత్రాలు క్లెయిమ్​దారు సమర్పించాల్సి ఉంటుంది.

అదేవిధంగా ఉద్యోగుల భవిష్య నిధి సంస్థ(EPFO) ప్రకారం, హక్కుదారులు అధికారిక పోర్టల్ ద్వారా క్లెయిమ్‌ల స్టేటస్​ను కూడా చెక్​ చేసుకోవచ్చు. దీనికోసం EPFO అధికారిక వెబ్‌సైట్‌లో లాగిన్‌ అయి.. సంబంధిత వివరాలను నమోదు చేసి ఆ వివరాలు క్లెయిమ్​దారు తెలుసుకోవచ్చు.