యూపీఐ ద్వారా రాంగ్​ నంబర్​కు పేమెంట్ చేశారా? తిరిగి మనీ వెనక్కు తీసుకోండిలా!

How To Get Refund For Wrong Upi Transaction : మీరు ఎక్కువగా యూపీఐ పేమెంట్స్​ చేస్తుంటారా? పొరపాటున మీరు అనుకున్న వ్యక్తికి కాకుండా, వేరే వ్యక్తికి డబ్బులు పంపించారా? అయితే ఇది మీ కోసమే. రాంగ్​ యూపీఐ ఐడీకి డబ్బులు పంపించినప్పుడు, ఆ సొమ్మును తిరిగి వెనక్కు తీసుకోవడం ఎలానో ఇప్పుడు తెలుసుకుందాం.

How To Get Refund For Wrong UPI Transaction : నేటి డిజిటల్ యుగంలో రోజురోజుకు ఆన్​లైన్ లావాదేవీలు, యూపీఐ పేమెంట్లు విపరీతంగా పెరిగిపోతున్నాయి. వాస్తవానికి దీని వల్ల వినియోగదారుల పని చాలా సులువు అవుతోంది. అయితే, అప్పుడప్పుడు మనం అనుకున్న వ్యక్తికి కాకుండా, మరోవ్యక్తికి పొరపాటున యూపీఐ ద్వారా డబ్బులు పంపిస్తూ ఉంటాం. ఇలాంటి సమయంలో మన డబ్బులను ఎలా వెనక్కు తీసుకోవాలో ఇప్పుడు తెలుసుకుందాం.

నేరుగా అవతలి వ్యక్తిని సంప్రదించండి!
UPI Dispute Redressal Mechanism : ఒక వేళ మీరు అనుకున్న వ్యక్తికి కాకుండా, మరో వ్యక్తికి యూపీఐ ద్వారా డబ్బు పంపించినట్లయితే, ముందుగా అతనికి/ ఆమెకు ఫోన్ చేయండి. మీ డబ్బులు వెనక్కు ఇవ్వమని మర్యాద పూర్వకంగా అడగండి. దీనితో సదరు వ్యక్తి మీ డబ్బును వాపసు ఇచ్చే అవకాశం ఉంటుంది. ఒక వేళ అవతలి వ్యక్తి మీ డబ్బులు వెనక్కు ఇవ్వకపోతే వెంటనే యూపీఐ యాప్​ కస్టమర్ కేర్​ను వెంటనే సంప్రదించాలి.

UPI యాప్ కస్టమర్ సపోర్ట్
ప్రతీ యూపీఐ యాప్​న​కు కస్టమర్ సపోర్ట్ సిబ్బంది ఉంటారు. కనుక మీరు డబ్బు పంపించాలనుకున్న వ్యక్తికి కాకుండా, వేరే వ్యక్తి ఖాతాకు పంపించినపుడు, యూపీఐ కస్టమర్ సపోర్ట్ వారికి వెంటనే ఫిర్యాదు చేయాలి. మీ సమస్యను స్పష్టంగా తెలియజేయాలి. అలాగే మీరు చేసిన పేమెంట్​కు సంబంధించిన స్క్రీన్​ షాట్​, ట్రాన్సాక్షన్ ఐడీలాంటి సమాచారాన్ని కూడా వారికి అందివ్వాలి. దీనితో ఫిర్యాదు చేసిన 24 నుంచి 48 గంటల్లోపు మీ సమస్యను పరిష్కరించే అవకాశం ఉంటుంది.

NPCI పోర్టల్​లో ఫిర్యాదు చేయండి
ఒక వేళ యాప్ సపోర్టింగ్ టీమ్ మీకు సరైన పరిష్కారం చూపించకపోతే NPCI అధికారిక పోర్టల్​లో ఫిర్యాదు చేయాలి. ఇందుకోసం ముందుగా NPCI పోర్టల్​లోని 'యూపీఐ' సెక్షన్​ను ఓపెన్ చేయాలి. అనంతరం "Dispute Redressal Mechanism అనే విభాగంలో మీ ట్రాన్సాక్షన్​కు సంబంధించిన వివరాలను, ఆధారాలను సమర్పించాలి. తర్వాత అన్ని వివరాలు సరిచూసుకొని, మీ ఫిర్యాదును సబ్మిట్ చేయాలి.
బ్యాంకు వారిని సంప్రదించండి
యూపీఐ యాప్​ కస్టమర్​ సపోర్ట్ టీమ్​నకు, మీ రాంగ్​ ట్రాన్సాక్షన్​ గురించి ఫిర్యాదు చేసినా, ఎలాంటి ఫలితం లేకపోతే, వెంటనే మీ బ్యాంక్​ను సంప్రదించాలి. ఇందుకోసం మీ బ్యాంకు​ కస్టమర్​ సర్వీస్​ టీమ్​కు ఫోన్ చేసి, మీ ఫిర్యాదును నమోదు చేయాలి. మీరు చేసిన యూపీఐ పేమెంట్​ వివరాలు, ఆధారాలు వారికి అందివ్వాలి. బ్యాంకు సదరు లావాదేవీలను పరిశీలించి, మీ సమస్యను పరిష్కరిస్తుంది. అయితే ఈ ప్రక్రియ పూర్తయ్యేందుకు దాదాపు 45 రోజులు వరకు పట్టవచ్చు. ఈ విధంగా మీరు రాంగ్ యూపీఐ ఐడీకి పంపిన డబ్బులను తిరిగి వెెనక్కు తీసుకోవచ్చు.