తిరుమలలో ప్రముఖుల సందర్శనలు

తిరుమల శ్రీవారిని దర్శించుకునేందుకు ప్రముఖులు వచ్చారు. సుప్రభాత సేవలో కర్ణాటక మండ్యా ఎంపీ సుమలత పాల్గొనగా, సహాయ మంత్రి హోదా చేపట్టాక తొలిసారిగా కిషన్​రెడ్డి సతీసమేతంగా దర్శించుకున్నారు. మోదీ పర్యటనలో భాగంగా భద్రత దృష్ట్యా తిరుమలకు విచ్చేసి దర్శించుకున్నారు గౌతమ్​ సవాంగ్​. శ్రీవారి సేవలో తరించేందుకు గవర్నర్​ దంపతులు విచ్చేశారు.

తిరుమల శ్రీవారి దర్శించేందుకు నేడు ప్రముఖులు సందర్శించారు. ప్రారంభ దర్శనంలో సీనీనటి, కర్ణాటక రాష్ట్ర మండ్యా ఎంపీ సుమలత పాల్గొన్నారు. నరేంద్ర మోదీ పర్యటనను పర్యవేక్షించేందుకు తిరుపతికి వచ్చిన డీజీపీ గౌతమ్​ సవాంగ్​ ప్రత్యేక దర్శనంలో తిరుమలేశుని సేవలో పాల్గొన్నారు. హోంశాఖ సహాయమంత్రిగా బాధ్యతలు చేపట్టిన కిషన్​రెడ్డి సతీసమేతంగా స్వామివారిని దర్శించుకున్నారు. శ్రీవారి సేవలో తరించడానికి గవర్నర్​ దంపతులు తిరుమలకు విచ్చేశారు.

స్వామివారి సేవకై వచ్చిన గవర్నర్​
తిరుమల శ్రీవారిని గవర్నర్‌ నరసింహన్‌ దంపతులు దర్శించుకున్నారు. స్వామివారికి నిర్వహించిన సర్కారీ సహస్ర కళశాభిషేకం సేవలో గవర్నర్‌ దంపతలు పాల్గొన్నారు. దర్శనానంతరం రంగనాయకుల మండపంలో పండితులు వేదాశీర్వచనం పలికి శేషవస్త్రంతో సత్కరించారు. ఈవో అనిల్‌కుమార్‌ సింఘాల్‌ స్వామివారి తీర్థప్రసాదాలను అందజేశారు.

సహాయమంత్రిగా బాధ్యతలు చేపట్టాక...
కేంద్ర హోంశాఖ సహయ మంత్రి కిషన్ రెడ్డి తిరుమల శ్రీవారిని సందర్శించారు. సతీసమేతంగా ఆలయానికి చేరుకున్న ఆయనకు తితిదే అధికారులు స్వాగతం పలికారు. హోంశాఖ సహాయ మంత్రిగా భాద్యతలు చేపట్టిన ఆయన శేషాచలం అడవుల్లోని ఎర్రచందనం ఆక్రమ రవాణాను పూర్తిగా అడ్డుకునేందుకు చర్యలు తీసుకుంటానని తెలిపారు. గతంలో తిరుమల అడవుల్లో పర్యటించి ఎర్రచందనం చెట్లను నరికివేస్తున్న పరిస్థితులను ప్రభుత్వం, ప్రజల దృష్టికి తీసుకువెళ్లినట్లు గుర్తు చేశారు. స్వామివారి కృపతో తనకు హోదా వచ్చిందని... కేంద్ర ప్రభుత్వంతో చర్చించి అక్రమ రవాణాను అడ్డుకునేందుకు కృషిచేస్తానని తెలిపారు.

పర్యవేక్షణకు వచ్చి దర్శించుకున్న గౌతమ్​ సవాంగ్​
తిరుమల శ్రీవారిని డిజిపి గౌతమ్‌ సవాంగ్‌ దర్శించుకున్నారు. ప్రధాని నరేంద్ర మోదీ పర్యటనను పర్యవేక్షించేందుకు తిరుపతికి వచ్చి... డిజిపి హోదాలో తొలిసారిగా తిరుమలేశుని సేవలో పాల్గొన్నారు. తితిదే, పోలీసు అధికారులు సవాంగ్‌కు స్వాగతం పలికి ప్రత్యేక దర్శనానికి ఏర్పాట్లు చేశారు. దర్శనానంతరం రంగనాయకుల మంపడంలో స్వామివారి తీర్ధప్రసాదాలను అందజేశారు. మాజీ డీజీపీ దినేష్‌ రెడ్డి స్వామివారిని దర్శించుకున్నారు. సేవలో తరించాలని గవర్నర్​ దంపతులు శ్రీవారికి నిర్వహించిన సర్కారీ సహస్ర కళశాభిషేకం సేవో పాల్గొన్నారు.

ఎంపీగా గెలిచాను... స్వామివారి ఆశీస్సులకు వచ్చాను
కర్ణాటక రాష్ట్రం మండ్యా ఎంపీ సుమలత తిరుమల శ్రీవారిని దర్శించుకున్నారు. వేకువజామున స్వామివారికి నిర్వహించిన సుప్రభాత సేవలో పాల్గొన్నారు. ఎన్నికల సమయంలో స్వతంత్ర అభ్యర్థిగా నామినేషన్‌ సమర్పించే తరుణంలో తిరుమలేశుని దర్శించుకున్న సుమలత... ఎంపీగా గెలుపొందడంతో స్వామివారి ఆశీస్సులు పొందేందుకు తిరుమలకు వచ్చానన్నారు. తనను గెలిపించిన ప్రజలకు మంచి చేస్తానని తెలిపారు.

ఇదీ చదవండీ :