ఫ్యాన్​కు పవర్ లేదు...సైకిల్​కు ట్యూబ్ లేదు: పవన్​

పవర్ లేని ఫ్యాన్, ట్యూబ్ లేని సైకిల్​ కన్నా జనసేన ప్రభుత్వమే మేలని జనసేన అధ్యక్షుడు పవన్ కల్యాణ్ అన్నారు. ఎన్నికల ప్రచారంలో భాగంగా నెల్లూరు జిల్లా కోవూరులో పర్యటించిన ఆయన రాష్ట్రంలో రెండు కుటుంబాల పాలన నడుస్తోందని విమర్శించారు.

రాజకీయాల్లో మార్పు తీసుకువచ్చి, రాబోయే తరానికి మేలు చేయాలనే ఉద్దేశంతోనే జనసేన పార్టీని స్థాపించినట్లు జనసేనాని పవన్ కల్యాణ్ వెల్లడించారు. నెల్లూరు జిల్లా కోవూరు నియోజకవర్గంలో పవన్ ఎన్నికల ప్రచారం నిర్వహించారు. ఫ్యాన్​కుపవర్ పోయిందని,.. సైకిల్​కుట్యూబ్ లేదని జనసేనాని విమర్శించారు.ప్రస్తుతం రాష్ట్రంలో రెండు కుటుంబాల రాజకీయం సాగుతోందని, ఈ పరిస్థితుల్లో మార్పు రావాల్సిన అవసరం ఉందన్నారు. జనసేన పార్టీ అధికారంలోకి వస్తే కోవూరు షుగర్ ఫ్యాక్టరిని తిరిగి ప్రారంభిస్తామని వెల్లడించారు. పరిశ్రమల కోసం భూములు కోల్పోయిన రైతులకు భూసేకరణ చట్టం ప్రకారం పరిహారం అందిస్తామని పేర్కొన్నారు.