'పార్టీ మారితే వంద కోట్లు ఇస్తానన్నారు'

2017 నంద్యాల ఉపఎన్నికల అనంతరం పార్టీ మారితే తనకు వంద కోట్లు ఇస్తానని తెదేపా నేతలు ఆశచూపారని గూడురు ఎమ్మెల్యే వరప్రసాద్ అన్నారు. శాసనసభలో మాట్లాడిన ఆయన ఓ రాజ్యసభ సభ్యుడు తనకు నగదు ఇచ్చేందుకు ప్రయత్నించారని, కానీ తాను తిరస్కరించానని స్పష్టం చేశారు.

నంద్యాల ఉపఎన్నికల సమయంలో తనకు వంద కోట్ల రూపాయలు ఇస్తానన్నారని గూడురు శాసనసభ్యుడు వి.వరప్రసాద్ వ్యాఖ్యానించారు. శాసనసభలో గవర్నర్ ప్రసంగంపై ధన్యవాదాలు తెలిపే తీర్మానంపై ప్రసంగించిన వరప్రసాద్.. కడప జిల్లాకు చెందిన ఓ రాజ్యసభ సభ్యుడు ఈ మొత్తాన్ని ఇవ్వజూపారని ఆయన ఆరోపించారు. 50 కోట్ల రూపాయల నగదుతో పాటు మరో 50 కోట్ల రూపాయల నియోజకవర్గానికి నిధుల కింద ఇస్తామన్నారని ఆయన శాసనసభలో వెల్లడించారు. అయితే తాను ఏ ప్రలోభాలకూ లొంగలేదని..తల్లిలాంటి పార్టీని విడిచిరానని చెప్పానని స్పష్టంచేశారు.