ముప్పాళ్ళలో పిచ్చికుక్క వీరంగం... చిన్నారులకు గాయాలు

కృష్ణా జిల్లా ముప్పాళ్ళ గ్రామంలో పిచ్చికుక్క స్వైర విహారం చేసింది. పిచ్చికుక్క దాడిలో ఐదుగురు చిన్నారులకు గాయలయ్యాయి. బాధితులను నందిగామ ఆసుపత్రికి తరలించారు.

కృష్ణా జిల్లా చందర్లపాడు మండలం ముప్పాళ్ళ గ్రామంలో పిచ్చి కుక్క వీరంగం సృష్టించింది. కుక్క దాడిలో ఐదుగురు చిన్నారులకు గాయాలయ్యాయి. ఆరుబయట ఆడుకుంటున్న చిన్నారులపై కుక్క దాడి చేసింది. చుట్టుపక్కల వారు గమనించి.. పిల్లలను కాపాడారు. గాయపడిన వారిని నందిగామ ప్రభుత్వ ఆసుపత్రికి తరలించారు.

ముప్పాళ్ళ గ్రామంలో గత కొన్ని రోజులుగా పిచ్చి కుక్కలు సంచరిస్తున్నాయని.. పంచాయతీ అధికారులకు ఫిర్యాదు చేసినా పట్టించుకోలేదని గ్రామస్థులు ఆరోపిస్తున్నారు. తక్షణమే అధికారులు స్పందించి సమస్య పరిష్కరించాలని డిమాండ్ చేశారు.

ఇదీ చదవండి : ఆగి ఉన్న లారీని ఢీ కొన్న కారు... ఐదుగురు మృతి