భారత సైనికుల పోరాట సామర్థ్యాలకు మరింత బలం చేకూర్చేందుకు ఆధునిక తుపాకులు కొనుగోలు చేయాలని నిర్ణయించింది కేంద్ర ప్రభుత్వం. ఈ మేరకు అమెరికాకు చెందిన సిగ్ సావర్ సంస్థతో ఒప్పందం చేసుకుంది.
భారత అమ్ముల పొదిలో సిగ్ సావర్ రైఫిళ్లు...
వీలైనంత త్వరగా భారత్కు రప్పించేందుకు ప్రయత్నాలు చేస్తున్నారు. ఒప్పందంలో భాగంగా సంవత్సరంలోపే ఈ రైఫిళ్లు భారత్కు చేరనున్నాయి. ప్రస్తుతం భారత సైన్యం ఇన్సాస్ రైఫిళ్లను వినియోగిస్తోంది. 5.56X45 mm ఇన్సాస్ రైఫిళ్ల స్థానంలో 7.62X51 mm అసాల్ట్ రైఫిళ్లను తేనున్నారు.
ఈ బలమైన, అత్యాధునిక సాంకేతిక పరిజ్ఞానంతో రూపొందిన రైఫిళ్లతో భారత సైన్యానికి మరింత బలం చేకూరుతుందని భావిస్తోంది రక్షణశాఖ. ఈ ఒప్పందానికి రక్షణ శాఖ మంత్రి నిర్మలా సీతారామన్ ఈ నెల ప్రారంభంలోనే ఆమోదం తెలిపారు.
