'మోదీ బిజ్జలదేవుడు... జగన్ భళ్లాలదేవుడు'

"పోలవరం ప్రాజెక్టు కాంగ్రెస్ ఇచ్చింది.. మోదీ కాదు. కేసీఆర్ ఇప్పుడు ఏడు మండలాల గురించి మాట్లాడుతున్నారు... గట్టిగా మాట్లాడితే భద్రాచలమూ మాదే. 7 మండలాలు తీసుకుని కేసీఆర్ పోలవరాన్ని ఆపడానికి ప్రయత్నిస్తున్నారు" - చంద్రబాబు.

ఏపీలో అడుగు పెట్టే అర్హత మోదీకి లేదని చంద్రబాబు ధ్వజమెత్తారు. ప్రధాని రాష్ట్ర ప్రజలకు తీరని అన్యాయం చేశారని మండిపడ్డారు. మోదీ ఏపీ ద్రోహి... ఆయన గుండెల్లో నిద్రపోతానని హెచ్చరించారు. మోదీ, జగన్​, కేసీఆర్ కుట్రలు సాగనీయనన్నారు. జగన్ మోదీకి ఊడిగం చేస్తున్నారని చంద్రబాబు ఆరోపించారు. చిత్తూరు ఎన్నికల ప్రచార రోడ్డు షోలో చంద్రబాబు పాల్గొన్నారు.

ఆంధ్రా ప్రజలు బాహుబలి అని చంద్రబాబు అభివర్ణించారు. మోదీ కుట్రలు, కుతంత్రాలు చేసే బిజ్జలదేవుడని ... జగన్ భళ్లాలదేవుడని చంద్రబాబు విమర్శించారు. ప్రజల కోసం తాను ఎప్పుడు రైట్​ టర్న్ తీసుకుంటానని... మోదీనే యూ టర్న్​తీసుకున్నారని నిప్పులు చెరిగారు.

చిత్తూరు జిల్లాను సస్యశ్యామలం చేసి రుణం తీర్చుకుంటానని హామీ ఇచ్చారు. ఎన్నో కష్టాలకు ఓర్చి సీమకు నీళ్లు తెచ్చామన్నారు. చిత్తూరు జిల్లా మామిడి, జామ ప్రపంచమంతా తింటారన్నారు.

ఇవీ చూడండిమోదీదే యూ టర్న్​.. నాదే రైట్​ టర్న్​: చంద్రబాబు