Resident Doctors Strike: నీట్- పీజీ 2021 కౌన్సిలింగ్ ఆలస్యాన్ని నిరసిస్తూ.. దిల్లీలో రెసిడెంట్ వైద్యులు చేపట్టిన నిరసనలు ఉద్రిక్తతకు దారితీశాయి. డాక్టర్లు, పోలీసుల మధ్య కాసేపు తోపులాట జరిగింది.
వైద్యులపై దాడిని 'ది ఫెడరేషన్ ఆఫ్ రెసిడెంట్ డాక్టర్స్ ఆసోసియోషన్' (ఎఫ్ఓఆర్డీఏ) ఖండించింది. నిర్భంధించిన డాక్టర్లను వెంటనే విడుదల చేయాలని డిమాండ్ చేసింది. శాంతియువతంగా నిరసన చేస్తున్న తమపై.. పోలీసులు దౌర్జన్యంగా ప్రవర్తించారని ఎఫ్ఓఆర్డీఏ డైరెక్టర్ డాక్టర్. మనీశ్ కుమార్ ఆవేదన వ్యక్తం చేశారు. పోలీసుల చర్యను బ్లాక్ డేగా అభివర్ణించారు.
డాక్టర్లపై దాడిని అన్నిరాష్ట్రాల్లో ఉన్న రెసిడెంట్ వైద్యుల బృందం ఖండించింది. అన్యాయానికి వ్యతిరేకంగా తాము ప్రారంభించిన పోరాటం సాగుతూనే ఉంటుందని ఎఫ్ఓఆర్డీఏ స్పష్టం చేసింది.
దేశవ్యాప్తంగా ఉన్న రెసిడెంట్ డాక్టర్లు.. ఏకంకావాలని దిల్లీలోని ఆర్ఎంఎల్ ఆస్పత్రి రెసిడెంట్ డాక్టర్స్ బృందంలోని సభ్యురాలు డాక్టర్. సర్వేశ్ పాండే తెలిపారు. కరోనా వారియర్స్పై పోలీసుల దౌర్జన్యాన్ని ఖండించాలని పిలుపునిచ్చారు.
అండగా ఉంటాం..
ఈ ఘటనపై కాంగ్రెస్నేత రాహుల్గాంధీ స్పందించారు. దేశంలోని వైద్యులకు అన్యాయం జరిగిందన్నారు. తాను కరోనా వారియర్స్ అయిన డాక్టర్లకు అండగా ఉంటానని ట్వీట్ చేశారు.
ఇదీ చూడండి: అమానవీయం.. కన్నబిడ్డపైనే తండ్రి అత్యాచారం
