Murder in korba: ఛత్తీస్గఢ్ కోర్బా జిల్లాలో హృదయవిదారక సంఘటన వెలుగు చూసింది. నాలుగేళ్ల పిల్లాడి తలపై ఇటుకతో కొట్టి హత్య చేశాడు ఓ 11 ఏళ్ల బాలుడు. అనంతరం ఇంటికెళ్లి రక్తపు మరకలతో ఉన్న బట్టలను శుభ్రం చేసుకుని ఏమీ ఎరగనట్లు వ్యవహరించాడు. అయితే.. డాగ్ స్క్వాడ్, ఫోరెన్సిక్ బృందాలు ఈ కేసును గంటల్లోనే ఛేదించాయి.
ఇదీ జరిగింది: జిల్లాలోని మానిక్పుర్ చౌక్ ప్రాంతంలో గురువారం రాత్రి 11 గంటల సమయంలో రక్తపు మడుగులో పడి ఉన్న ఓ నాలుగేళ్ల బాలుడి మృతదేహాన్ని స్వాధీనం చేసుకున్నారు పోలీసులు. మృతుడ్ని ముఢాపార్కు చెందిన అన్షు సారథిగా గుర్తించారు. చిన్నారి మృతదేహం లభ్యమైన క్రమంలో ఆ ప్రాంతంలో భయాందోళనలు నెలకొన్నాయి. సంఘటనా స్థలానికి చేరుకున్న ఉన్నతాధికారులు డాగ్ స్క్వాడ్, ఫోరెన్సిక్ బృందాలను పిలిపించి ఆధారాలు సేకరించారు. స్నిఫ్ఫర్ డాగ్ 'బాఘా' మృతుడి బట్టలను వాసన చూసి నేరుగా ఓ ఇంట్లోకి పరుగెట్టింది. ఇంట్లో కనిపించిన 11 ఏళ్ల బాలుడిని చూసి అరవటం ప్రారంభించింది. వెంటనే ఆ బాలుడిని అదుపులోకి తీసుకున్నారు పోలీసులు.
వారి విచారణలో హత్యకు సంబంధించిన విషయాలు వెల్లడించాడు నిందితుడు. అన్షు, నిందితుడు ఇరుగుపొరుగు వారే. ఆటలు ఆడే సమయంలో తనను అవహేళన చేసేవాడని, కోపంతో ఇటుకతో కొట్టినట్లు ఒప్పుకున్నాడు. తీవ్ర రక్తస్రావంతో మృతి చెందగా మృదేహాన్ని వాళ్ల సమీపంలోని ముళ్లపొదల్లో పడేసి ఇంటికెళ్లిపోయినట్లు చెప్పాడు. కేసు నమోదు చేసుకున్న పోలీసులు మృతదేహాన్ని పోస్టుమార్టానికి తరలించారు. ప్రస్తుతం నిందితుడు పోలీసు కస్టడీలో ఉన్నాడు.
ఇదీ చూడండి: బైక్పై ప్రేమజంట హల్చల్.. నడిరోడ్డుపై రొమాన్స్ చేస్తూ..
కాంగ్రెస్ పాలిత రాష్ట్రంలో 'బుల్డోజర్' ట్రెండ్.. 300ఏళ్ల నాటి గుడి కూల్చివేత!
