తాబేళ్లు అక్రమ రవాణా - కాపాడిన అధికారులు

Turtles Illegally Transporting from Alluri District to Odisha : అల్లూరి జిల్లా లక్కవరం అటవీ క్షేత్ర పరిధిలోని సుకుమామిడి వద్ద అక్రమంగా తరలిస్తున్న 278 తాబేళ్లను అధికారులు పట్టుకున్నారు. తూర్పుగోదావరి జిల్లా కోరుకొండ నుంచి ఒడిశాకు అక్రమంగా తరలిస్తుండగా స్వాధీనం చేసుకున్నామని అధికారులు తెలిపారు. వీటిలో 33 తాబేళ్లు మృతి చెందగా, 245 ప్రాణాలతో ఉన్నాయన్నారు. నిందితులు కొల్లూరు గ్రామానికి చెందిన కార్తీక్‌, జగన్నాధపురానికి చెందిన సాయి కృష్ణగా అధికారులు గుర్తించారు. నిందితులపై కేసు నమోదు చేసి దర్యాప్తు చేపట్టినట్లు అటవీ శాఖ అధికారులు తెలిపారు.