2008 DSC Candidates Job Recruitment : 2008 డీఎస్సీ బీఈడీ అభ్యర్థులను కాంట్రాక్ట్ పద్ధతిలో రిక్రూట్ చేయాలని సర్కారు నిర్ణయించింది. 2008 డీఎస్సీలో డీఈడీ అభ్యర్థులకు 30శాతం ఎస్జీటీ కేటాయించాలన్న జీఓ వల్ల నష్టపోయిన వారికి అవకాశం ఇవ్వనున్నట్టు ప్రకటించింది. హైదరాబాద్ మినహా ఇతర జిల్లాల్లో పనిచేసేందుకు 2008 డీఎస్సీ బీఈడీ అభ్యర్థులను విధుల్లోకి తీసుకోనున్నట్టు స్ఫష్టం చేసింది.
ఈ మేరకు ఇప్పటికే 2008 డీఎస్సీలో 30 శాతం రిజర్వేషన్ వల్ల నష్టపోయిన అభ్యర్థుల వివరాలను పాఠశాల విద్యాశాఖ నుంచి సేకరించిన సర్కారు, ఆయా అభ్యర్థులకు కాంట్రాక్ట్ పద్ధతిలో రిక్రూట్మెంట్పై సమాచారం అందించింది. ఆసక్తి ఉన్న అభ్యర్థులు పాఠశాల విద్య అధికారిక వెబ్సైట్లో కన్సెంట్, వెరిఫికేషన్ దరఖాస్తులను పూర్తిచేయాలని స్పష్టం చేసింది. కాంట్రాక్ట్ పద్ధతిలో జిల్లాల్లో పనిచేసేందుకు ఆసక్తి చూపిన అభ్యర్థులకు ఈ నెల 27 నుంచి అక్టోబర్ 5వ తేదీ వరకు జిల్లాల్లో డీఈఓల ఆధ్వర్యంలో సర్టిఫికెట్ వెరిఫికేషన్ చేపట్టనుంది.
