ఉరవకొండలో ఎస్ఎఫ్ఐ 32వ జిల్లా సమావేశాలు

SFI Leaders And Student Rally in Uravakonda : అనంతపురం జిల్లా ఉరవకొండలో ఎస్ఎఫ్ఐ 32వ జిల్లా ప్లీనరీ సమావేశం రెండు రోజులపాటు జరగనుంది. ఈ నేపథ్యంలో ఎస్​ఎఫ్​ఐ నాయకులు, విద్యార్థులు జూనియర్ కళాశాల నుంచి టవర్ క్లాక్ వరకు భారీ ర్యాలీ తీశారు. ఈ కార్యక్రమానికి ముఖ్య అతిథులుగా హాజరైన మాజీ ఎమ్మెల్సీ డాక్టర్ గేయానంద్, ఎస్ఎఫ్ఐ రాష్ట్ర అధ్యక్షుడు ప్రసన్న కుమార్ ర్యాలీలో పాల్గొన్నారు. బీసీ, ఎస్సీ, ఎస్టీ సంక్షేమ హాస్టళ్లలో పెండింగ్​లో ఉన్న మెస్ కాస్మొటిక్ ఛార్జీలు విడుదల చేయాలని, శిథిలావస్థలో ఉన్న హాస్టల్ భవనాలకు మరమ్మతు చేయాలని డిమాండ్​ చేశారు.