మహీధర్​రెడ్డి సహకారం లేకుంటే గెలుపు కష్టమే: విజయసాయి రెడ్డి - VIJAYASAI REDDY APPRECIATIONS

Vijayasai Reddy Appreciations to Maheedhar reddy in Nellore : వేంకటేశ్వర స్వామి సాక్షిగా తాము గెలిస్తే మహీధర్ రెడ్డి మాటే వేదంగా భావిస్తామని ఆయన సూచనలు తూచా తప్పకుండా పాటిస్తామని విజయసాయిరెడ్డి అన్నారు. నెల్లూరు జిల్లా కందుకూరులో స్థానిక ఎమ్మెల్యే మహీధర్ రెడ్డి ఆధ్వర్యంలో శనివారం ఆత్మీయ సమావేశం నిర్వహించారు. ఈ కార్యక్రమంలో ఎంపీ అభ్యర్థి విజయసాయిరెడ్డి (Vijayasai reddy), ఎమ్మెల్యే అభ్యర్థి బుర్ర మధుసూదన్ యాదవ్ పాల్గొన్నారు. ఈ క్రమంలో ఆయన మాట్లాడుతూ మహీధర్ రెడ్డిపై విజయసాయి ప్రశంసల జల్లు కురిపించారు. ఆయన సహకారం లేకుండా తమ గెలుపు కష్టమవుతుందన్నారు.

Manugunta Maheedhar Reddy : మహీధర్​రెడ్డి తనకెంతో మేలు చేశారని దానికి కృతజ్ఞుడి ఉంటానని పేర్కొన్నారు. తాను చాలా గొప్ప వ్యక్తి అని తన సహాయ సహకారం ఎల్లవేళలా అందించాలని విజయసాయి మహీధర్​ రెడ్డిని ఉద్దేశిస్తూ అన్నారు. ఆత్మీయ సమావేశం మొత్తం భజన కార్యక్రమంలా సాగిందని పలువురు విమర్శలు గుప్పిస్తున్నారు.