శ్రీకాళహస్తిలో ప్లాస్టిక్ వ్యర్థాల గోదాములో అగ్నిప్రమాదం

Fire Accident in Plastic Wastage Ware House: తిరుపతి జిల్లా శ్రీకాళహస్తిలో ప్లాస్టిక్ వ్యర్థాల గోదాము (Plastic Wastage GODown) లో అగ్రిప్రమాదం చోటు చేసుకుంది. స్కిట్ కళాశాల సమీపంలోని రేణిగుంట- నాయుడుపేట ప్రధాన రహదారి వద్ద ఏర్పాటు చేసిన గోదాములో ఉన్నట్టుండి ఒక్కసారిగా మంటలు వ్యాపించాయి. సమాచారం అందుకున్న అగ్నిమాపక సిబ్బంది మంటలు అదుపులోకి తెచ్చేందుకు ప్రయత్నం చేశారు. అయినా మంటలు అదుపులోకి రాకపోవడంతో గూడూరు, నాయుడుపేట నుంచి అదనపు అగ్నిమాపక నియంత్రణ వాహనాలు తెప్పించి మంటలను అదుపులోకి తెచ్చారు. 

Plastic Wastage GoDown Fire at Srikalahasti: సంఘటనా స్థలానికి చేరుకున్న పోలీసులు ముందస్తుగా ఎటువంటి ప్రమాదం చోటు చేసుకోకుండా అగ్నిమాపక శాఖ అధికారులతో కలిసి ముందస్తు చర్యలు చేపట్టారు. గోదాములో ఉన్న విద్యుత్ సరఫరాను వెెంటనే నిలిపివేయడంతో అంతా ఊపిరి పీల్చుకున్నారు. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు. ఉన్నట్టుండి మంటలు వ్యాపించడం పట్ల పోలీసులు అనుమానం పలు రకాలుగా వ్యక్తం చేస్తున్నారు. ఈ సంఘటన వెనుక ఎవరి హస్తమైనా ఉందేమోనని దర్యాప్తు ప్రక్రియ చేపట్టారు.