Live: ప్రజాగళం సభలో పోలీసుల వైఫల్యంపై - ధూళిపాళ్ల నరేంద్ర ప్రెస్ మీట్

Dhulipala Narendra press meet Live: ప్రధాని నరేంద్ర మోదీ పాల్గొనే సభ భద్రతను పోలీసులు గాలికొదిలేశారని  టీడీపీ నేత ధూళిపాళ్ల నరేంద్ర ఆగ్రహం వ్యక్తం చేశారు. సభ నిర్వాహణలో రాష్ట్ర పోలీసులు విఫలమయ్యారని ఆరోపించారు. ఈ మేరకు మీడియా సమావేశం ఏర్పాటు చేసిన  ధూళిపాళ్ల నరేంద్ర వైఎస్సార్సీపీ ప్రభుత్వంతో పాటుగా పోలీసుల తీరుపై విమర్శలు గుప్పించారు. పోలీసుల తీరుతో,  సభకు వచ్చిన ముఖ్యనేతలకూ చేదు అనుభవాలు తప్పలేదు. సభా ప్రాంగణంలోకి వెళ్లేందుకు పోలీసులతో వాగ్వాదం చేయాల్సి వచ్చింది. కృష్ణా, గుంటూరు, ప్రకాశం, పశ్చిమగోదావరి జిల్లాలకు చెందిన టీడీపీ, జనసేన నేతలు పాసులు చూపించినా, వారిని లోపలికి అనుమతించలేదు. గ్యాలరీలోకి వెళ్లడానికి మాత్రమే పాస్ ఉందని, వాహనానికి పాస్ ఏదంటూ కొందరిని వేధించారు. పోలీసులతో వాదించలేక, కొందరు మాజీ ఎమ్మెల్యేలు, ఇతర ముఖ్య నేతలు,  గ్యాలరీల్లోకి వెళ్లకుండానే వెనుదిరిగారు. వేల సంఖ్యలో పోలీసుల్ని పిలిచి వారితో  బందోబస్తు విధులు సక్రమంగా నిర్వర్తించేలా చర్యలు తీసుకోవటంలో విఫలమయ్యారు. సభకు వచ్చే వాహనాలను ప్రాంగణానికి చేర్చటంలో సరైన చర్యలు తీసుకోలేదు. ట్రాఫిక్ నియంత్రణలో సైతం పోలీసులు చేతులెత్తారు.