LIVE : విజయవాడ-శ్రీశైలం సీ ప్లేన్​ ప్రారంభం - మల్లికార్జునస్వామిని దర్శించుకున్న చంద్రబాబు - ప్రత్యక్ష ప్రసారం

CM Chandrababu to Start Seaplane Tourism Live : రాష్ట్ర పర్యాటకంలో కొత్త శకం ఆరంభంకానుంది. కూటమి ప్రభుత్వం ప్రతిష్టాత్మకంగా చేపట్టిన "స్కై మీట్స్‌ సీ" కార్యక్రమంలో భాగంగా సీప్లేన్‌ సర్వీస్‌ను ముఖ్యమంత్రి నారా చంద్రబాబు నాయుడు లాంఛనంగా ప్రారంభించనున్నారు. విజయవాడ పున్నమి ఘాట్ నుంచి శ్రీశైలం వరకూ స్వయంగా ప్రయాణిస్తున్నారు. పౌరవిమానయాన మంత్రి రామ్మోహన్‌నాయుడు, పలువురు కేంద్ర, రాష్ట్ర అధికారుల కూడా విహరిస్తున్నారు. మధ్యాహ్నం 12గంటలకుపున్నమిఘాట్‌ నుంచి బయలుదేరిన మొదటి సీప్లేన్‌ 12 గంటల 45 నిమిషాలకు శ్రీశైలానికి చేరుకుంటుంది. అక్కడ భ్రమరాంబికా మల్లిఖార్జున స్వామిని దర్శించుకోనున్న సీఎం బృందం తిరిగి మధ్యాహ్నం 2గంటల 20నిమిషాలకు బయల్దేరి మధ్యాహ్నం 3గంటల 10నిమిషాలకు అదే సీప్లేన్‌లోపున్నమిఘాట్‌లో దిగుతారు. దీనిలో 14 మంది ప్రయాణించొచ్చు. ఇప్పటికే ట్రైల్‌ రన్‌ విజయవంతంగా నిర్వహిచారు. ఇటీవల అంతర్జాతీయ డ్రోన్‌ సదస్సుతో ప్రపంచ దృష్టిని రాష్ట్రం ఆకర్షించింది. సీ ప్లేన్‌ ప్రయాణాన్ని అందుబాటులోకి తేవడం ద్వారా మరోసారి ప్రపంచ పర్యాటకులను ఆకర్షించే ప్రయత్నాన్ని ప్రభుత్వం చేస్తోంది. సీ ప్లేన్​లో విజయవాడ నుంచి శ్రీశైలంకి సీఎం చంద్రబాబు చేరుకున్నారు. - ప్రత్యక్ష ప్రసారం