వైఎస్సార్ పేరు తీసేసి ఎన్టీఆర్‌ వ్యాయామశాలగా మార్పు - Changes in Guntur NTR Stadium

Changes in Guntur NTR Stadium : గుంటూరు ఎన్టీఆర్ స్టేడియంలో ఎన్నికల వేళ హడావుడిగా ప్రారంభించిన వ్యాయామశాల శిలాఫలకాలను బ్రహ్మణ చైతన్య వేదిక, తెలుగుదేశం ఆధ్వర్యంలో తొలగించారు. వైఎస్సార్​ పేరు తీసేసి ఎన్టీఆర్‌ వ్యాయామశాలగా మార్చారు. నూతన భవనంపై హైకోర్టులో కేసు ఉండగా నిబంధనలకు విరుద్ధంగా ప్రారంభించారని బ్రాహ్మణ చైతన్య వేదిక నాయకులు ఆగ్రహం వ్యక్తంచేశారు. 

YSRCP Stone tablets Removed in NTR Stadium Guntur : నూతన భవనానికి సంబంధించిన కేసు న్యాయస్థానంలో ఉండగానే నిబంధనలకు విరుద్ధంగా విడదల రజని, మద్దాలి గిరి, కావటి మనోహర్ నాయుడు, లేళ్ల అప్పిరెడ్డి ఎన్నికలకు ముందు తమ పేర్ల మీద శిలాఫలకాలు వేసుకుని అసంపూర్తిగా ఉన్న జిమ్​ను ప్రారంభించారు. ఎన్నో ఏళ్లుగా వాడుకలో ఉన్న ఎన్టీఆర్ మున్సిపల్ స్టేడియంలోని నూతన జిమ్​కు ఆయన పేరు ఉండాలని తేల్చి చెప్పారు. ఎన్టీఆర్ జిమ్ అనే అక్షరాలను ఏర్పాటు చేసి కార్యకర్తలు సంబరాలు చేసుకున్నారు.