'అందరూ సేఫ్​ -మత్స్యకారుల ఆచూకీ లభ్యం' - Boat Missing Location Available

Boat Missing Location Available in Visakhapatnam District : సముద్రంలో చేపల వేటకు వెళ్లి గల్లంతైన మత్స్యకారుల ఆచూకీని అధికారులు ఎట్టకేలకు గుర్తించారు. విశాఖ హార్బర్​ నుంచి వేటకు వెళ్లిన మత్య్సకారులు అప్పికొండ తీరానికి చేరుకున్నట్లు ఫిషింగ్​, కోస్ట్​ గార్డ్​ అధికారులు తెలియజేశారు. గల్లంతైన ఆరుగురు మత్య్సకారులు క్షేమంగా ఉన్నట్లు పేర్కొన్నారు. దీంతో బాధిత కుటుంబ సభ్యులు ఊపిరి పీల్చుకున్నారు.

Vizag Fishing Harbour : సముద్రంలోని అలల ఉద్ధృతికి బోటు బోల్తా పడిందని అధికారులు వెల్లడించారు. దీంతో దెబ్బతిన్న బోటు పైభాగంలో మత్స్యకారులు ఉండిపోయారని తెలిపారు. మత్స్యకారులు మంగళవారం రాత్రి వరకు బిక్కుబిక్కుమంటూ గడిపారని పేర్కొన్నారు. గల్లంతైన మత్స్యకారుల కోసం ఫిషింగ్, కోస్ట్ గార్డ్​ల గాలింపు చర్యల్లో భాగంగా వారి ఆచూకీ లభ్యమయినట్లు అధికారులు తెలిపారు.

People Protest YCP MLA Vasupalli Ganesh Kumar : గల్లంతైన మత్స్యకారుల బాధిత కుటుంబాలను పరామర్శించడానికి వెళ్లిన వైసీపీ ఎమ్మెల్యే వాసుపల్లి గణేశ్​ కుమార్​కు నిరసన సెగ తగిలింది. సకాలంలో ఎందుకు స్పందించలేదంటూ ఎమ్మెల్యేను స్థానికులు నిలదీశారు.