కూటమి విజయంతో - తొడగొట్టి మీసం మెలేసిన అచ్చెన్నాయుడు - Atchannaidu celebrated victory of alliance

Atchannaidu Celebrated Victory of Alliance : కూటమి విజయంతో టీడీపీ రాష్ట్ర అధ్యక్షుడు అచ్చెన్నాయుడు శ్రీకాకుళం జిల్లాలో సంబరాలు చేసుకున్నారు. వైఎస్సార్సీపీ అభ్యర్థి దువ్వాడ శ్రీనివాస్​తో పోటీ పడి 32984 భారీ మోజార్టీని సాధించారు. అలాగే అసెంబ్లీ ఎన్నికల ఫలితాల్లో కూటమి సునామీ సృష్టిస్తోంచడంతో తొడగొట్టి మీసం మెలేశారు. అనంతరం నిమ్మాడలోని స్వగృహం నుంచి కోటబొమ్మాళి లోని తెలుగుదేశం పార్టీ కార్యాలయం వద్దకు చేరుకొని టీడీపీ శ్రేణులకు, అభిమానులకు శిరస్సు వంచి అభివాదం చేశారు. ఐదేళ్లపాటు దుర్మార్గుడు చేతిలో చిక్కుకుపోయిన ఆంధ్రప్రదేశ్ రాష్ట్రాన్ని మరో స్వాతంత్ర పోరాటం చేసి కాపాడామని తెలిపారు. రాష్ట్ర ప్రజలకు ఎంత సేవ చేసిన రుణం తీర్చుకోలేనిదని పేర్కొన్నారు.

ఇంత భారీ మోజర్జీ ఇచ్చిన అన్ని వర్గాల వారికి పేరుపేరునా కృతజ్ఞతలు తెలిపారు. రాష్ట్రంలో కూటమి ప్రభుత్వం అధికారంలోకి వస్తేనే రాష్ట్రం అభివృద్ధి చెందుతుందని నమ్మి ఓట్లేసిన ప్రతి ఒక్కరికి మనస్ఫుర్తిగా అభినందనలు తెలిపారు. ఆంధ్రప్రదేశ్ చరిత్రలోనే ఇవి చారిత్రత్మకమైన ఫలితాలని వివరించారు. ఈరోజుతో జగన్ నియంతపాలనకు ప్రజలు చరమగీతం పాడారన్నారు. చివరికి ప్రతిపక్షహోదా కూడా ఉంటుందో లేదో తెలియని పరిస్ధితి వైసీపీ పార్టీకీ ఉందని ఎద్దేవా చేశారు.