LIVE : ఏడో రోజు శాసనమండలి సమావేశాలు - ప్రత్యక్ష ప్రసారం

AP Legislative Council Sessions 2024 Seventh Day Live : శాసనసభ సమావేశాల్లో నేడు నాలుగు బిల్లులను ప్రభుత్వం అసెంబ్లీలో ప్రవేశపెట్టనుంది. సహకార సొసైటీల చట్ట సవరణ బిల్లును మంత్రి అచ్చెన్నాయుడు ప్రవేశ పెట్టనున్నారు. ఎక్సైజ్ చట్టసవరణ బిల్లు, విదేశీ మద్యం వాణిజ్యం చట్ట సవరణ బిల్లును, ప్రొహిబిషన్ చట్ట సవరణ బిల్లులను మంత్రి కొల్లు రవీంద్ర ప్రవేశపెట్టనున్నారు. విశాఖ రుషికొండపై అక్రమ నిర్మాణాలు, పోలవరం, ఇతర జలవనరుల ప్రాజెక్టులపై సభలో లఘు చర్చ జరుగనుంది. అసెంబ్లీ ఆమోదించిన వివిధ బిల్లులను నేడు శాసనమండలిలోనూ ఆమోదించనున్నారు.మండలి ప్రశ్నోత్తరాల్లో భాగంగా మదనపల్లిలో భూరికార్డుల దగ్ధం, రైతులకు ఆర్థిక సహాయం, భీమిలిలోని శారదా పీఠానికి భూములు కేటాయింపు, నెల్లిమర్ల జనపనార మిల్లు మూసివేత, విశాఖపట్నంలోని రుషికొండలో పర్యాటకం తదితర ప్రశ్నలకు మంత్రులు సమాధానం ఇవ్వనున్నారు. రాష్ట్రంలో నూతన జాతీయ రహదారుల మంజూరు, టీటీడీ లడ్డూ ప్రసాదంలో కల్తీనెయ్యి వినియోగం, రాష్ట్రంలో ఓడరేవులు, ఫిషింగ్ హర్బర్ లు, ఆరోగ్యశ్రీ పథకంలో అక్రమాలు, వరదల కారణంగా పంట నష్టం, గ్రామాల్లో డంపింగ్‌ యార్డులు, పంచాయతీ భవనాలకు రంగులు తదితర ప్రశ్నలకు మంత్రులు సమాధానాలివ్వనున్నారు.