రేపే ఇంటర్‌ ఫలితాలు - ఎన్ని గంటలకంటే? - Inter results 2024

AP ​Inter Exam Results Date : ఇంటర్మీడియట్​ పరీక్షల ఫలితాల విడుదలకు ముహూర్తం ఖరారైంది. శుక్రవారం ఉదయం 11 గంటలకు (ఏప్రిల్​ 12న) విడుదల చేసేందుకు ఇంటర్మీడియట్​ విద్యామండలి సన్నాహాలు చేస్తోంది. తాడేపల్లిలోని ఇంటర్​ బోర్డు కార్యదర్శి ఇంటర్​ పరీక్ష ఫలితాలను అధికారికంగా విడుదల చేయనున్నారు. ప్రథమ, ద్వితీయ సంవత్సరం ఫలితాలను ఒకేసారి ఇవ్వనున్నట్లు ఇంటర్​ బోర్డు ఒక ప్రకటనలో వెల్లడించారు.

ఇప్పటికే ఇంటర్​ పరీక్ష పత్రాలు మూల్యాంకనం పూర్తి చేసిన అధికారులు ఫలితాల విడుదలకు అన్ని రకాల ఏర్పాట్లు పూర్తి చేశారు. ఈ ఏడాది రెగ్యులర్​, ఒకేషనల్​ విద్యార్థులు కలిపి మొదటి, రెండవ సంవత్సరానికి గాను దాదాపు 10 లక్షల మంది పరీక్షలకు దరఖాస్తు చేసుకున్న విషయం తెలిసిందే. మార్చి 1 నుంచి 20 వరకు జరిగిన ఇంటర్​ పరీక్ష ఫలితాల కోసం విద్యార్థులు ఎంతో ఆసక్తిగా ఎదురు చూస్తున్నారు. ఇంటర్​ పరీక్షల ఫలితాలను www.bie.ap.gov.in అధికార వైబ్​సైట్​ ద్వారా తెలుసుకోవచ్చు. వేగవంతమైన ఫలితాల కోసం www.eenadu.net, www.etvbharat.com ను సందర్శించవచ్చును.