South Asia Largest International Poultry Exhibition in Hyderabad : దక్షిణాసియాలో అతిపెద్ద అంతర్జాతీయ పౌల్ట్రీ ప్రదర్శనకు హైదరాబాద్ నగరం వేదిక కానుంది. వ్యవసాయ అనుబంధ రంగమైన పౌల్ట్రీ పరిశ్రమలో వస్తున్న విప్లవాత్మక మార్పుల నేపథ్యంలో 16వ పౌల్ట్రీ ఇండియా ఎక్స్పో 2024 కార్యక్రమం జరగనుంది. ఈ నెల 27వ తేదీ నుంచి 29 తేదీ వరకు ఈ కార్యక్రమం జరగనుంది. ఇండియన్ పౌల్ట్రీ ఎక్విప్‌మెంట్‌ మ్యానుఫ్యాక్చరర్స్ అసోసియేషన్, తెలంగాణ పౌల్ట్రీ ఫెడరేషన్ సంయుక్త ఆధ్వర్యంలో ఏర్పాటు ఈ కార్యక్రమాన్ని ఏర్పాటు చేయనున్నారు. ఈ ప్రదర్శనలో భారత్‌తో పాటు 50 దేశాల కంపెనీలు, పారిశ్రామికవేత్తలు తమ ఉత్పత్తులు ప్రదర్శించనున్నారు.
అంతర్జాతీయంగా పౌల్ట్రీ రంగంలో వస్తున్న కొత్త మార్పులు, వినూత్న ఆవిష్కరణలు, సాంకేతిక పరిజ్ఞానం ప్రదర్శించడానికి పారిశ్రామిక వేత్తలు, రైతులకు సువర్ణ అవకాశం అని ఇండియన్ పౌల్ట్రీ ఎక్విప్‌మెంట్‌ మ్యానుఫ్యాక్చరర్స్ అసోసియేషన్ అధ్యక్షుడు ఉదయ్సింగ్ బయాస్ వెల్లడించారు. ఫార్మా, ఎక్విప్‌మెంట్‌, ఫీడ్, బ్రీడింగ్ టెక్నాలజీ ద్వారా పౌల్ట్రీ రంగం సాధిస్తున్న వృద్ధి అంశాలు వంటివి ప్రదర్శించనున్నారు.
ఈ ఎక్స్పోకు దేశం నలుమూలల నుంచి పెద్ద ఎత్తున పౌల్ట్రీ రైతులు, పారిశ్రామికవేత్తలు, అంకుర సంస్థల వ్యవస్థాపకులు ఔత్సాహిక యువత పెద్ద ఎత్తున వస్తారని నిర్వహకులు అంచనా వేస్తున్నారు. పౌల్ట్రీ రంగంలో ఎదురువుతున్న అనేక సమస్యలకు ఇదొక పరిష్కార వేదిక అని ఉదయ్సింగ్ బయాస్ స్పష్టం చేశారు. వాతావరణ మార్పుల నేపథ్యంలో వ్యవసాయం లాభదాయకంగా లేదనుకుంటున్న రైతుల సమస్యలకు ఈ కార్యక్రమం పరిష్కరం చూపిస్తుందని ప్రదర్శన నిర్వహకులు డాక్టర్ కేజీ ఆనంద్ తెలిపారు. అంతే కాకుండా మహిళ సాధికారతకు పౌల్ట్రీ రంగం ఓ ప్రత్యామ్నాయ మార్గం ఉంటుందని వ్యాఖ్యానించారు. పౌష్టికాహార లోపం అధిగమించేందుకు ప్రతి ఒక్కరూ రోజుకు రెండు, మూడు గుడ్లు తీసుకోవాలని ఆయన సూచించారు.
రూ.5వేలతో బిజినెస్ షురూ.. ఇప్పుడు టర్నోవర్ రూ.12వేల కోట్లు.. 'సుగుణ చికెన్' కథ ఇదీ..
Poultry: కష్టంగా ఉంది.. గిట్టుబాటు కావటం లేదంటూ.. పౌల్ట్రీ రైతుల ఆందోళన..
