ఆస్పత్రిలో కరెంట్ కోతలు - అంధకారంలో బాలింతలు - ప్రభుత్వంపై హరీశ్ రావు ఫైర్ - POWER CUTS IN MANCHERIAL HOSPITAL

Matha Shishu Hospital in Mancherial Problems : విద్యుత్​ నిలిచిపోవడంతో మంచిర్యాల జిల్లాలోని ప్రభుత్వ మాతా, శిశు ఆరోగ్య కేంద్రంలో బాలింతలు, నవజాత శిశువులు ఇబ్బందులు పడ్డారు. సిబ్బంది నిర్లక్ష్యమే దీనికి కారణమని బాధితులు ఆరోపిస్తున్నారు. రెండు రోజుల నుంచి విద్యుత్​ సరఫరా నిలిపోయిందని చెబుతున్నారు. ఈ ఘటనపై బీఆర్​ఎస్​ నేత హరీశ్​ రావు స్పందించారు.

మంచిర్యాల ఎంసిహెచ్ ఆసుపత్రిలో కరెంటు లేక పోవడం వల్ల బాలింతలు, నవజాత శిశువులు ఇబ్బందులు పడుతున్నారు. ప్రభుత్వం తక్షణం స్పందించి సమస్య పరిష్కరించాలని కోరుతున్నాను. pic.twitter.com/rGAEI96dkt

— Harish Rao Thanneeru (@BRSHarish) July 4, 2024

Power Cut in Mancherial Govt Mother and Child Hospital : సిబ్బంది నిర్లక్ష్యం బాలింతలు, నవజాత శిశువులు కొన్ని గంటలపాటు అంధకారంలో ఉండేలా చేసింది. అదృష్టవశాత్తు ఆ సమయంలో ఎలాంటి కాన్పులు జరగకపోవడంతో అంతా ఊపిరి పీల్చుకున్నారు. ఈ ఘటన మంచిర్యాల జిల్లా కేంద్రంలోని మాతా శిశు ఆరోగ్య కేంద్రంలో చోటుచేసుకుంది. ఈ ఆరోగ్య కేంద్రంలో రెండు రోజులుగా విద్యుత్​ సరఫరా నిలిచిపోయి, ఆసుపత్రి నిర్వహణ మొత్తం జనరేటర్​ సాయంతో నిర్వహించాల్సిన పరిస్థితి వచ్చిందని బాధితులు ఆవేదన వ్యక్తం చేశారు. ఈ విషయంపై బీఆర్​ఎస్​ నేత, మాజీ మంత్రి హరీశ్​ రావు స్పందించారు.

బాధితుల ఆవేదన : ఓ వైపు వర్షాలు మొదలయ్యాయని, మరోవైపు పాములు ఎంసీహెచ్​ పరిసరాల్లో సంచరిస్తున్నాయని బాధితులు తెలిపారు. వీటికి తోడు విద్యుత్​ అంతరాయంతో ఎంసీహెచ్​లో ఆందోళన పరిస్థితి నెలకొందన్నారు. ఎలుకలు విద్యుత్​ సరఫరా కేబుళ్లను కొరకడంతో గత రెండు రోజులుగా కరెంటు నిలిచిపోయిందని సిబ్బంది చెబుతున్నారని పేర్కొన్నారు. పలుమార్లు షార్ట్​ సర్క్యూట్​తో ఇబ్బందులు ఎదురయ్యాయని, జనరేటర్​ కూడా వినియోగించలేని స్థితికి రావడంతో ఆసుపత్రి సిబ్బంది, రోగులు ఇబ్బందులు పడ్డారని సిబ్బంది వెల్లడించారు.