Lovers Suicide Attempt in Mahabubabad : ప్రేమజంట ఆత్మహత్యాయత్నానికి పాల్పడిన ఘటనలో ప్రేమికురాలు మృతి చెందగా, ప్రేమికుడి పరిస్థితి విషమంగా ఉంది. ఈ ఘటన మహబూబాబాద్ జిల్లాలో చోటుచేసుకుంది. బయ్యారం మండలం కోటగడ్డ గ్రామానికి చెందిన ప్రవళికకు 3 సంవత్సరాల క్రితం వివాహం జరిగింది. వివాహం జరిగిన కొన్ని రోజులకే భార్యభర్తల మధ్య మనస్పర్థలు రావడంతో వేరుగా ఉంటున్నారు. ఈ క్రమంలోనే గ్రామానికి చెందిన రవీందర్తో పరిచయం ఏర్పడింది. అది ఇద్దరి మధ్య ప్రేమకు దారితీసింది.
రెండు నెలల క్రితం ఇద్దరు ఇంటి నుంచి వెళ్లిపోయి ఏపీలోని శ్రీకాకుళం జిల్లాలో పని చేసుకుంటూ జీవనం సాగిస్తున్నారు. ఈ క్రమంలో పిల్లలు కనిపించడం లేదంటూ వీరి తల్లిదండ్రులు పోలీస్ స్టేషన్లలో ఫిర్యాదు చేశారు. వారం రోజుల క్రితం పోలీసులు శ్రీకాకుళం వెళ్లి వారిద్దరిని పట్టుకుని తల్లిదండ్రులకు అప్పగించారు. ఇంటికి వచ్చిన వాళ్లు రవీందర్ ఇంట్లోనే ఉంటున్నారు.
Lovers suicide in Kamareddy : పెద్దలను ఎదిరించి.. జీవితంలో ఓడిపోయి.. ప్రేమికుల ఆత్మహత్య
ఆందోళనకు గురై ఆత్మాహత్యాయత్నం : నేడు ఆదివాసీ కుల కట్టుబాట్ల ప్రకారం గ్రామ పెద్దల సమక్షంలో పంచాయితీ జరగనుంది. అయితే తీర్పు తమకు అనుకూలంగా వస్తుందో రాదోనని ఆలోచించి ఆందోళనుకు గురైన ప్రేమికులు, ఉరివేసుకొని ఆత్మహత్యకు పాల్పడ్డారు. కుటుంబసభ్యులు చూసేసరికి ప్రవళిక మృతి చెందగా, రవీందర్ ప్రాణాపాయ స్థితిలో బయటపడ్డాడు. ప్రేయసి మృతి చెందిందని తెలిసి రవీందర్ మళ్లీ కత్తితో మెడ, మణికట్టు కోసుకొని ఆత్మహత్యకు యత్నించాడు. దీన్ని గమనించిన కుటుంబ సభ్యులు వెంటనే పోలీసులకు సమాచారం ఇచ్చారు. ఘటనా స్థలికి చేరుకున్న వారు విచారణ చేపట్టారు. రవీందర్ను ఆసుపత్రికి తరలించి చికిత్స అందిస్తున్నారు. ప్రవళిక మృతదేహాన్ని పోస్టుమార్టం నిమిత్తం మహబూబాబాద్ ప్రభుత్వాసుపత్రికి తరలించారు.
ఇటీవల సూర్యాపేట జిల్లా ఆత్మకూరు మండలానికి చెందిన గుండగాని సంజయ్ (25), ఆ గ్రామ పంచాయతీ ఆవాస గ్రామమైన కృష్ణ సముద్రం గ్రామానికి చెందిన సల్లగుండ్ల నాగజ్యోతి (23) ఆరు సంవత్సరాలుగా ప్రేమించుకుంటున్నారు. కులాలు వేరు కావడంతో తమ పెళ్లికి పెద్దలు నిరాకరించారు. దీంతో ఆ ప్రేమికులు ఒకరిని విడిచి ఒకరు ఉండలేక, చావైనా బతుకైనా కలిసే ఉందామని భావించి పురుగుల మందు తాగి ఆత్మహత్య చేసుకున్నారు. పూర్తి కథనం కోసం ఇక్కడ క్లిక్ చేయండి.
బంజారాహిల్స్లో ప్రేమజంట అనుమానాస్పద మృతి.. తెలిసిన వారి పనేనా..?
