సీఐడీ మాజీ చీఫ్‌ సునీల్‌ కుమార్‌పై విచారణకు ఆదేశించిన ప్రభుత్వం

విచారణ అథారిటీని ఏర్పాటు చేస్తూ ఉత్తర్వులు - సాధ్యమైనంత త్వరగా నివేదిక ఇవ్వాలని ఆదేశించిన ప్రభుత్వం

Government Orders Probe Against Former CID Chief Sunil Kumar : సీఐడీ మాజీ చీఫ్, సీనియర్ ఐపీఎస్ అధికారి పీవీ సునీల్ కుమార్‌పై విచారణకు ఆదేశిస్తూ రాష్ట్ర ప్రభుత్వం ఉత్తర్వులు జారీ చేసింది. ఆయనపై వచ్చిన అభియోగాలపై విచారణ అథారిటీని ఏర్పాటు చేసింది. ఈ అథారిటీలో రెవెన్యూ శాఖ ప్రత్యేక ప్రధాన కార్యదర్శి ఆర్పీ సిసోడియా, విజిలెన్స్ డీజీ హరీష్ కుమార్ గుప్తాలను నియమిస్తూ ప్రభుత్వం ఉత్తర్వులు ఇచ్చింది. సాధ్యమైనంత త్వరగా సునీల్ కుమార్‌పై ఉన్న అభియోగాలపై నివేదిక ఇవ్వాలని పేర్కొంది.