విద్యార్థులకు గుడ్​న్యూస్ - దసరా సెలవులు ఆ రోజు నుంచే! - DUSSEHRA HOLIDAYS IN AP

Dussehra Holidays 2024: రాష్ట్ర ప్రభుత్వం విద్యార్థులకు గుడ్​న్యూస్​ చెప్పింది. పాఠశాలలకు దసరా సెలవులను ప్రకటిస్తూ ఉత్తర్వులు జారీ చేసింది. మరి సెలవులు ఎప్పటి నుంచి ఎప్పటి వరకో ఇప్పుడు చూద్దాం...

Dussehra Holidays 2024: విద్యార్థులకు సెలవులు అంటే చాలా ఇష్టం. ఎప్పుడెప్పుడు స్కూల్​కి హలీడేస్​ వస్తాయా, ఎప్పుడెప్పుడు అమ్మమ్మ, నానమ్మ ఊరు వెళ్లి ఎంజాయ్​ చేద్దామా అని ఆలోచిస్తుంటారు. తాజాగా రాష్ట్ర ప్రభుత్వం పాఠశాలలకు దసరా సెలవులను ప్రకటిస్తూ ఉత్తర్వులు జారీ చేసింది. మరి దసరా హలీడేస్​ ఎప్పటి నుంచి ఎప్పటివరకు? మళ్లీ స్కూళ్లు ఎప్పుడు మొదలవుతాయో ఈ స్టోరీలో చూద్దాం.

రాష్ట్రంలో విద్యాసంస్థలకు దసరా పండగ నేపథ్యంలో అక్టోబర్​ 3 నుంచి 13 వరకు సెలవులు ప్రకటిస్తూ ఉత్తర్వులు జారీ చేసింది. తొలుత అక్టోబర్​ 4 నుంచి 13 వరకు సెలవులు ప్రకటించాలని ఉన్నత విద్యాధికారులు నిర్ణయించారు. ఈ క్రమంలో ఉపాధ్యాయ సంఘాల నుంచి పెద్దఎత్తున అభ్యర్ధనలు వచ్చాయి. దీంతో సెలవులను అక్టోబర్​ 3 నుంచి 13 వరకు మార్పు చేశారు. మళ్లీ అక్టోబర్​ 14న స్కూళ్లు తిరిగి పునః ప్రారంభం కానున్నాయి. పాఠశాలకు సెలవులు ప్రకటిస్తూ విద్యా శాఖ డైరెక్టర్​ విజయ్​ రామరాజు ఉత్తర్వులు జారీ చేశారు.