T20 WorldCup 2024 : టీ20 ప్రపంచ కప్నకు సర్వం సిద్ధమైంది. మరో రెండు రోజుల్లో అట్టహాసంగా ప్రారంభం కానుంది. అయితే ఇప్పటివరకు ఐపీఎల్లోని ఎవరి ఆటనైతే చూసి సంబరపడ్డామో ఇప్పుడు వాళ్లే ప్రత్యేర్థులగా వచ్చి భయపెట్టేందుకు సిద్ధంగా ఉన్నారు. ఇంతకీ వారెవరో చూద్దాం.
విండీస్ - వెస్టిండీస్కు అసలే సొంత మైదానం. పైగా ఈ సీజన్ ఐపీఎల్ ద్వారా హార్డ్‌ హిట్టర్లంతా ఫామ్‌లో ఉన్నారు. ట్రోఫీని ముద్దాడిన కేకేఆర్‌ జట్టులో ఆండ్రూ రస్సెల్‌తో పాటు లఖ్‌నవూ ప్లేయర్ నికోలస్ పూరన్, షై హోప్, రొమారియో షెఫర్డ్‌, రోవ్‌మన్‌ పావెల్, షిమ్రోన్ హెట్‌మయెర్ అందరూ జోరు మీదున్నారు. పిచ్‌ పరిస్థితులు వారికి కొట్టిన పిండి. ఇప్పుడు వీరిని ఆపడం కష్టమని క్రికెట్ వర్గాల అభిప్రాయం.
ఇంగ్లాండ్ - డిఫెండింగ్‌ ఛాంపియన్‌గా బరిలోకి దిగుతున్న ఇంగ్లాండ్కు ఈ ఐపీఎల్ ఎక్స్పీరియన్స్ కలిసొస్తుంది. రాజస్థాన్ ప్లేఆఫ్స్‌కు చేరడంలో బట్లర్ కీలక పాత్ర పోషించాడు. ఆర్సీబీలో మెరుపు ఇన్నింగ్స్‌లు ఆడిన విల్‌ జాక్స్‌, పంజాబ్‌ సామ్‌ కరన్‌, ఆ జట్టులో ఓపెనర్‌గా దూకుడుగా ప్రదర్శించిన జానీ బెయిర్‌స్టో ప్రపంచ కప్ టీమ్లో ఉన్నారు. ఫిల్‌ సాల్ట్‌ కోల్‌కతాను అగ్రస్థానంతో ఛాంపియన్‌గా నిలవడంలో సునీల్‌ నరైన్‌తో కలిసి కీలకంగా వ్యవహరించాడు. అయితే మొయిన్ అలీ, లివింగ్‌ స్టోన్ మాత్రం పెద్దగా రాణించలేదు.
ఆస్ట్రేలియా - ఈ ఐపీఎల్ ఆస్ట్రేలియా ప్లేయర్లకు సూపర్ ఫేమ్‌ను తీసుకొచ్చింది. కోల్‌కతా నైట్ రైడర్స్, సన్రైజర్స్ హైదరాబాద్‌ను ఫైనల్‌కు చేర్చడంలో ఆసీస్‌ స్టార్లు కీలకంగా వ్యవహరించారు. వారిలో తొలి క్వాలిఫయర్‌, ఫైనల్‌లో వికెట్లు తీసిన మిచెల్ స్టార్క్‌, హైదరాబాద్‌ కెప్టెన్‌ పాట్ కమిన్స్, ఓపెనర్ ట్రావిస్ హెడ్ ఉన్నారు. ఇక టిమ్‌ డేవిడ్, కామెరూన్ గ్రీన్, డేవిడ్ వార్నర్, మార్కస్ స్టాయినిస్ కూడా బానే రాణించారు. గ్లెన్ మ్యాక్స్‌వెల్ మాత్రం అంతగా ఆకట్టుకోకపోయినా నేషనల్ టీమ్ తరఫున ఎలాంటి పరిస్థితుల్లోనైనా రాణించగలనని గత వన్డే ప్రపంచ కప్‌లోనే డబుల్ సెంచరీతో చాటి చెప్పాడు.
దక్షిణాఫ్రికా - సౌతాఫ్రికా టీమ్ పేపర్‌ మీద ఫుల్ స్ట్రాంగ్గా ఉంటుంది. అయితే ఈసారి మాత్రం మైదానంలో తీవ్ర పోటీినిచ్చేలా ఉంది. ఎందుకంటే ఆ టీమ్లో ఉన్న హెన్రిచ్‌ క్లాసెన్ హైదరాబాద్‌ జట్టు తరఫున భారీ ఇన్నింగ్స్‌లను ఆడాడు. డేవిడ్ వార్నర్, క్వింటన్ డికాక్‌, ట్రిస్టన్‌ స్టబ్స్ కూడా దూకుడు మీదున్నారు. బౌలర్లలో కగిసో రబాడ, ఆన్రిచ్ నోకియా, గెరాల్డ్ కొయిట్జీకి టీ20 అనుభవం బాగానే ఉంది.
అన్ని టోర్నీల్లోనూ భాగమైన ఆ ఇద్దరు ప్లేయర్స్ ఎవరంటే? - T20 World cup 2024
రోహిత్‌, కోహ్లీకి ఇదే లాస్ట్- 11ఏళ్ల నిరీక్షణకు తెర దించుతారా? - T20 World Cup 2024
