Swapnil Kusale Paris Olympics: పారిస్ ఒలింపిక్స్లో భారత్ ఖాతాలో మూడో పతకం చేరింది. గురువారం జరిగిన పురుషుల 50మీటర్ల రైఫిల్ 3పొజిషన్స్ ఈవెంట్లో యంగ్ షూటర్ స్వప్నిల్ కుసాలే సత్తా చాటాడు. ఫైనల్లో 451.4 పాయింట్లతో మూడో స్థానంలో నిలిచి కాంస్యాన్ని ముద్దాడాడు. తాజా మెడల్తో ప్రస్తుత ఒలింపిక్స్లో భారత పతకాల సంఖ్య మూడుకు చేరింది.
ఆట మొదట్లో స్వప్నిల్ కాస్త నెమ్మదించినప్పటికీ, తర్వాత పుంజుకున్నాడు. ఒక దశలో టాప్ -2లోకి దూసుకెళ్లాడు. ఇక చివర్లో ప్రత్యర్థుల నుంచి పోటీ ఎదురవడం వల్ల స్వప్నిల్ మూడో స్థానంలో దక్కించుకున్నాడు. స్వప్నిల్ కంటే ముందు 463.6 పాయింట్లతో లీ యుకున్ (చైనా) స్వర్ణ పతకం దక్కించుకోగా, 461.3 పాయింట్లతో కులిశ్ (ఉక్రెయిన్) రజతం సొంతం చేసుకున్నాడు.
కాగా, 50మీటర్ల 3 పొజిషన్స్ ఈవెంట్లో భారత్ పతకం నెగ్గడం ఇదే తొలిసారి. ఇక, ప్రస్తుత ఒలింపిక్స్లో ఇప్పటివరకు భారత్ సాధించిన మూడు పతకాలు కూడా షూటింగ్లో వచ్చినవే కావడం విశేషం. స్వప్నిల్ కంటే ముందు మనూ బాకర్ (10మీటర్లు ఎయిర్ రైఫిల్ సింగిల్స్), మనూ బాకర్- సరబ్జోత్ సింగ్ (10మీటర్ల రైఫిల్ మిక్స్డ్) ఈవెంట్లలో మన అథ్లెట్లు పతకాలు నెగ్గారు.
🇮🇳🥉 𝗕𝗥𝗢𝗡𝗭𝗘 𝗡𝗢. 𝟯 𝗙𝗢𝗥 𝗜𝗡𝗗𝗜𝗔! Many congratulations to Swapnil Kusale on winning India's third medal at the Paris 2024 Olympics!
— India at Paris 2024 Olympics (@sportwalkmedia) August 1, 2024
👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀… pic.twitter.com/eokW7g6zAE
ధోనీ స్ఫూర్తితో
మాజీ కెప్టెన్‌ ఎంఎస్‌ ధోనీ నుంచి తను స్ఫూర్తి పొందినట్లు స్వప్నిల్ చెప్పాడు. ధోనీ లాగే స్వప్నిల్ కూడా రైల్వే టికెట్ కలెక్టర్ ఉద్యోగి. 2015 నుంచి సెంట్రల్ రైల్వేస్‌లో కుసాలే(Ticket Collector Swapnil Kusale) పని చేశాడు. ప్రశాంతత, సహనం క్రికెట్‌, షూటింగ్‌కు చాలా అవసరమని, ఆ లక్షణాలు ధోనీని చూసి నేర్చుకున్నానని కుసాలే పేర్కొన్నాడు. 'నేను షూటింగ్ ప్రపంచంలో ఎవరినీ ప్రత్యేకంగా అనుసరించను. నేను ధోనీని ఆరాధిస్తాను. అతను మైదానంలో ఉన్నంత ప్రశాంతంగా, ఓపికగా ఉండటం నా క్రీడకు అవసరం. నేను కూడా అతడి లాగే టిక్కెట్ కలెక్టర్‌ని కాబట్టి, తన స్టోరీకి రిలేట్‌ అవుతాను' అని తెలిపాడు.
