SRH VS LSG IPL 2024 : ఐపీఎల్ సీజన్ 17లో భాగంగా సన్రైజర్స్ హైదరాబాద్, లఖ్నవూ సూపర్ జెయింట్స్ మధ్య జరిగిన మ్యాచ్లో హైదరాబాద్ జట్టు ఘన విజయం సాధించింది. లఖ్నవూ నిర్దేశించిన 166 పరుగుల లక్ష్యాన్ని ఒక్క వికెట్ కూడా కోల్పోకుండా చేధించింది. ఓపెనర్లు అభిషేక్ శర్మ(75), ట్రావిస్ హెడ్(89) తమదైన శైలిలో రాణించి జట్టును విజయ తీరాలకు చేర్చారు.
టాస్‌ గెలిచి తొలుత బ్యాటింగ్కు దిగిన లఖ్నవూ జట్టు నిర్ణీత 20 ఓవర్లలో 4 వికెట్ల నష్టానికి 165 పరుగులు చేసింది. తొలుత దూకుడుగా ఆడినప్పటికీ ఆ తర్వాత కాస్త డీలా పడింది. 64 పరుగులకే నాలుగు వికెట్లు కోల్పోయి పీకల్లోతుల కష్టాల్లో పడింది.
దీంతో ఆ జట్టును ఆదుకునేందుకు క్రీజులోకి వచ్చిన ఆయుశ్ బదోని (55*), నికోలస్ పూరన్ (48*)కీలక ఇన్నింగ్స్‌లు ఆడి స్కోర్ బోర్డును పరుగులు పెట్టించారు. ఇక కెప్టెన్ కేఎల్ రాహుల్ (29), కృనాల్ పాండ్య (24) ఫర్వాలేదనిపించారు. ఇక క్వింటన్ డికాక్ (2), స్టాయినిస్ (3) మాత్రం పేలవ ఫామ్తో విఫలమయ్యారు. ఇక హైదరాబాద్ బౌలర్లలో భువనేశ్వర్ (2/12) అద్భుతంగా బౌలింగ్ చేశాడు. పాట్ కమిన్స్ ఒక వికెట్ పడగొట్టాడు.
సన్రైజర్స్ హైదరాబాద్ తుది జట్టు : పాట్ కమిన్స్ (కెప్టెన్), ట్రావిస్ హెడ్, నితీష్ రెడ్డి, హెన్రిచ్ క్లాసెన్ (వికెట్ కీపర్), అబ్దుల్ సమద్, షాబాజ్ అహ్మద్, సన్వీర్ సింగ్, భువనేశ్వర్ కుమార్, జయదేవ్ ఉనద్కత్, విజయకాంత్ వియాస్కాంత్, టి నటరాజన్
ఇంపాక్ట్ సబ్స్టిట్యూట్స్ : గ్లెన్ ఫిలిప్స్, ఉమ్రాన్ మాలిక్, అభిషేక్ శర్మ, మయాంక్ అగర్వాల్, వాషింగ్టన్ సుందర్.
లఖ్నవూ సూపర్ జెయింట్స్ తుది జట్టు : కే ఎల్ రాహుల్ (కెప్టెన్), క్వింటన్ డి కాక్, మార్కస్ స్టోయినిస్, నికోలస్ పూరన్, ఆయుశ్ బడోని, దీపక్ హుడా, కృనాల్ పాండ్యా, కృష్ణప్ప గౌతమ్, యశ్ ఠాకూర్, రవి బిష్ణోయ్, నవీన్-ఉల్-హక్
ఇంపాక్ట్ సబ్స్టిట్యూట్స్ : మణిమారన్ సిద్ధార్థ్, యుధ్వీర్ సింగ్, దేవదత్ పడిక్కల్, అష్టన్ టర్నర్, అమిత్ మిశ్రా.
ధోనీ నెం.9లో ఎందుకు వచ్చాడంటే? - అసలు రీజన్ ఇదే - IPL 2024 CSK
