IPL 2024 CSK VS RCB Kohli : రాయల్‌ ఛాలెంజర్స్‌ బెంగళూరు స్టార్ బ్యాటర్ విరాట్ కోహ్లీ టీ20 కెరీర్లో మరో ఘనత సాధించాడు. కెరీర్లో 12,000 పరుగుల మైలురాయిని అందుకున్నాడు. 360 ఇన్నింగ్స్లో 41.21 యావరేజ్, 133.42 స్ట్రైక్రేట్‌తో ఈ మార్క్ను అందుకున్నాడు. వేగంగా ఈ మైలురాయిని అందుకున్న రెండో బ్యాటర్‌గా నిలిచాడు. అంతకుముందు క్రిస్ గేల్‌ 343 ఇన్నింగ్స్లో ఈ ఫీట్ను అందుకుని ఈ జాబితాలో ముందు నిలిచాడు.ఆ తర్వాతి స్థానాల్లో పాక్‌ షోయబ్‌ మాలిక్‌ (13360), విండీస్‌ పోలార్డ్‌ (12900), ఇంగ్లాండ్ ప్లేయర్ అలెక్స్‌ హేల్స్‌ (12319), ఆసీస్ స్టార్ ఓపెనర్‌ డేవిడ్‌ వార్నర్‌ (12065) ఉన్నారు. ఇప్పుడు ఈ జాబితాలోకి కోహ్లీ చేరాడు.
కోహ్లీ చేసిన మొత్తం 12 వేల పరుగుల్లో 4037 టీమ్ ఇండియా తరఫునవి. ఆర్సీబీ తరపున 7693, ఇతర టోర్నీల్లో 270 ఇతర సాధించాడు. ఇక టీమ్‌ఇండియా ప్లేయర్స్లో రోహిత్‌ శర్మ (11,156) కోహ్లీకి దగ్గరగా ఉన్నాడు. విరాట్ టీ20 కెరీర్లో 8 టీ20 సెంచరీలు ఉన్నాయి. అందులో ఏడు ఐపీఎల్‌లోనే సాధించాడు. మొత్తంగా టీ20ల్లో అత్యధిక రన్స్ సాధించిన జాబితాలో ఆరో స్థానంలో నిలిచాడు. క్రిస్ గేల్‌ 14562 పరుగులతో అగ్రస్థానంలో కొనసాగుతున్నాడు.
కోహ్లీ 3 - డుప్లెసిస్‌ 35 : గత కొద్ది రోజులుగా కోహ్లీ ఆటకు దూరంగా ఉన్న సంగతి తెలిసిందే. కొడుకు పుట్టడంతో రెండు నెలలు ఆటకు అందుబాటులో లేడు. ఈ శుక్రవారమే ఐపీఎల్ మ్యాచ్లో మైదానంలోకి అడుగుపెట్టాడు. కానీ తన తొలి మ్యాచ్లో అంత మంచి ప్రదర్శన చేయలేదు. సాధారణంగా ఫస్ట్ బాల్ నుంచే దూకుడు ప్రదర్శన చేసి పరుగులు చేసే విరాట్ చెన్నైతో జరిగిన మ్యాచ్లో ఆచితూచి బ్యాటింగ్‌ చేశాడు. ఇన్నింగ్స్ మొదటి బంతికి సింగిల్‌ తీసిన అతడు నాలుగో ఓవర్‌ ఫస్ట్ బాల్కు కానీ మళ్లీ బ్యాటింగ్‌కు రాలేదు. ఈలోగా డుప్లెసిస్‌ 30 పరుగులు సాధించాడు. ఐయిదో ఓవర్లో డుప్లెసిస్‌ 35 పరుగుల వద్ద ఔట్ అవ్వగా అప్పటికీ కోహ్లీ 3 పరుగులే సాధించాడు. ఆ తర్వాత కూడా నెమ్మదిగానే ఆడాడు. బంతిని మిడిల్‌ చేయడంలోనూ కాస్త ఇబ్బందిని ఎదుర్కొన్నాడు. ఇక ముస్తాఫిజుర్‌ బౌలింగ్‌లో రచిన్‌కు క్యాచ్‌ ఇచ్చి ఔట్ అయ్యాడు.
ఆర్సీబీకి షాక్ - బోణీ కొట్టిన చెన్నై - CSK vs RCB IPL 2024
వాళ్ల బ్యాగ్ మోసిన ధోనీ- ఫ్యాన్స్ ఫిదా!- వీడియో వైరల్ - MS Dhoni IPL 2024
