IND vs BAN Warm Up Match 2024: 2024 టీ20 వరల్డ్కప్ వార్మప్ మ్యాచ్ల షెడ్యూల్ను ఐసీసీ తాజాగా రిలీజ్ చేసింది. మే 27నుంచి జూన్1 వరకు వార్మప్ మ్యాచ్లు జరగనున్నాయి. ఇందులో టీమ్ఇండియా ఓ వార్మప్ మ్యాచ్ ఆడనుంది. జూన్ 1న న్యూయార్క్ వేదికగా బంగ్లాదేశ్తో ఈ మ్యాచ్ జరగనుంది. ఈసెన్ హవర్ పార్క్ మేక్‌షిఫ్ట్ స్టేడియం ఈ మ్యాచ్కు వేదికకానుంది.
34వేల సీటింగ్ కెపాసిటీ ఉన్న ఈ మైదానాన్ని లెజెండరీ స్ప్రింటర్ ఉసెన్ బోల్ట్ బుధవారం ప్రారంభించాడు. ఇక సాధారణంగా ప్రతి జట్టు రెండేసి వార్మప్ మ్యాచ్లు ఆడాల్సి ఉంటుంది. అయితే టోర్నీ ప్రారంభానికి తక్కువ సమయం ఉండడం వల్ల 20 జట్లకు రెండేసి మ్యాచ్లు ఆడించడం కుదరక ఆయా జట్లకు ఒకే వార్మప్ మ్యాచ్ నిర్వహిస్తున్నారు. కాగా, కెనడా, అఫ్గానిస్థాన్, స్కాట్లాండ్, పపువా న్యూ గినియా, నమీబియా తదితర జట్లు రెండేసి వార్మప్ మ్యాచ్లు ఆడనున్నాయి.
మే 26న ఐపీఎల్ ముగుస్తుండగా దాదాపు వారంలోపే టీ20 వరల్డ్కప్ ప్రారంభం కానుంది. టోర్నీలో టీమ్ఇండియా తొలి 3 లీగ్ గేమ్‌లు న్యూయార్క్ వేదికగానే ఆడాల్సి ఉంది. ఈ మేరకే ప్రయాణ కష్టాలు తగ్గించాలని న్యూయార్క్‌లో వార్మప్ మ్యాచ్ ప్లాన్ చేసినట్లు తెలుస్తోంది. ఇక న్యూయార్క్‌లో వార్మప్ మ్యాచ్ ఆడడం వల్ల టీమ్ఇండియాకు అక్కడి వాతావరణం, పిచ్ పరిస్థితులపై అవగాహన వస్తుంది.
'వరల్డ్కప్ షెడ్యూల్ చాలా తొందరగా ప్లాన్ చేశారు. ఐపీఎల్ ఫైనల్‌, వరల్డ్కప్ ఓపెనింగ్ మ్యాచ్కు కాస్త ఎక్కువ గ్యాప్ ఉండాల్సింది. పాకిస్థాన్- ఇంగ్లాండ్‌ జట్లు ద్వైపాక్షిక సిరీస్ ముగించుకొని 24 గంటల్లోపే టోర్నీకి సిద్ధమవుతున్నాయి' అని బీసీసీఐ అధికార ప్రతినిథి మాట్లాడారు.
వార్మప్ మ్యాచ్ల పూర్తి షెడ్యూల్
మే 27
- కెనడా- నేపాల్
- ఒమన్- పపువా న్యూ గినియా
- నమీబియా- ఉగాండా
మే 28
- శ్రీలంక- నెదర్లాండ్
- బంగ్లాదేశ్- యూఎస్ఏ
- ఆస్ట్రేలియా నమీబియా
మే 29
- అఫ్గానిస్థాన్- ఒమన్
మే 30
- నేపాల్- యూఎస్ఏ
- స్కాట్లాండ్- ఉగాండా
- నెదర్లాండ్స్- కెనడా
- నమీబియా- పపువా న్యూ గినియా
- వెస్టిండీస్- ఆస్ట్రేలియా
మే 31
- ఐర్లాండ్- శ్రీలంక
- స్కాట్లాండ్- అఫ్గానిస్థాన్
జూన్ 1
- భారత్- బంగ్లాదేశ్
ఇక ఈ టోర్నీలో 20 దేశాలు తలపడుతున్నాయి. ఈ 20 జట్లను నాలుగు గ్రూపులుగా విభజించి లీగ్ మ్యాచ్లు నిర్వహించనున్నారు. యూఎస్ఏ, కెనడా, యుగానా పొట్టి ప్రపంచకప్లో ఆడడం ఇదే తొలిసారి. జూన్ 2 నుంచి 30 వరకు టోర్నీ జరగనుంది.
రెండో సెమీస్కు రిజర్వ్ డేను తొలిగించిన ఐసీసీ - T20 world cup 2024
