ManuBhaker on Shooting Journey : తాను షూటింగ్ను కెరీర్గా ఎంచుకుని ముందుకు సాగుతానని అనుకోలేదని భారత స్టార్ షూటర్ మను బాకర్ తెలిపింది. మొదట్లో తన కెరీర్పై స్పష్టత ఉండేది కాదని వెల్లడించింది. తాజాగా ఇన్స్టాగ్రామ్లో క్వశ్చన్స్ అండ్ అన్సర్స్ సెషన్లో పాల్గొన్న మను అభిమానులు అడిగిన ప్రశ్నలకు సమాధానాలు ఇచ్చింది.
"నాకు మొదట్లో కెరీర్ పై క్లారిటీ ఉండేది కాదు. వివిధ క్రీడల్లో ప్రయత్నించాను. ఆర్థికంగా స్వతంత్రంగా ఉండాలని అనిపించేది. జీవితంలో ఏదైనా సాధించాలనే కసి ఉండేది. రెండు రోజులకొకసారి విభిన్నమైన ఆటలు, విషయాలను తెలుసుకునేదాన్ని. నేను షూటింగ్ను కెరీర్గా ఎంచుకున్నప్పటికీ తీవ్రమైన పోటీ ఉండేది. అందరికన్నా మెరుగ్గా రాణించాలనుకున్నాను." అని మను బాకర్ వ్యాఖ్యానించింది. ఇంకా పలు ప్రశ్నలకు సమాధానం ఇచ్చింది మను.
ప్రశ్న : టోక్యో ఒలింపిక్స్లో ఓటమి తర్వాత ఎలా పుంజుకున్నారు?
మను సమాధానం : నిలకడగా రాణించి పతకాన్ని గెలువొచ్చని నా మనసులో ఉంది. జీవితంలో ఎదుగుదల ఉంటుందని నేను నమ్ముతాను. టోక్యో ఒలింపిక్స్ 2020 ఓటమి తర్వాత గేమ్ను వదులుకోవాలనుకున్నప్పుడు మా అమ్మ, కోచ్ జస్పాల్ రాణా నాకు అండగా నిలిచారు. నాకు మూలస్తంభాలుగా ఉన్నారు. అందుకే ఎవరైనా ఏదైనా సాధించాలంటే సరైన మార్గదర్శకత్వం, వారి చుట్టూ సహనం ఉన్న మంచి వ్యక్తులు ఉండాలి.
పారిస్ ఒలింపిక్స్లో భయపడ్డారా?
అవును చాలా భయపడ్డాను. ప్రశాంతంగా ఆడేందుకు ప్రయత్నించాను. ప్రతి షార్ట్లో బెస్ట్ ఇవ్వడానికి శాయశక్తులా ప్రయత్నించాను. ధైర్యం కోసం నా కోచ్ జస్పాల్ సార్ వైపు చూశాను. ఏదైనా పనిచేసేటప్పుడు దానిపై దృష్టి పెట్టండి. ఫలితం గురించి మరచిపోండి. అప్పుడే మంచి ఫలితాన్ని పొందుతారు.
పారిస్ ఒలింపిక్స్లో మను అదుర్స్ - కాగా, 2024 పారిస్ ఒలింపిక్స్లో మను బాకర్ 10 మీటర్ల ఎయిర్ పిస్టల్, 10 మీటర్ల మిక్స్డ్ డబుల్స్లో కాంస్య పతకాన్ని సాధించి చరిత్ర సృష్టించింది. ఒకే ఒలింపిక్స్లో రెండు పతకాలు సాధించిన క్రీడాకారిణిగా రికార్డు సృష్టించింది. 1900 ఒలింపిక్స్లో నార్మన్ ప్రిచర్డ్‌ రెండు రజతాలను గెలిచారు. ఇప్పుడు నార్మన్ తర్వాత రెండు పతకాలను సాధించిన అథ్లెట్గా బాకర్ నిలిచింది. 25 మీటర్ల పిస్టల్ విభాగంలో నాలుగో స్థానంలో నిలిచి తృటిలో మరో కాంస్య పతకాన్ని కోల్పోయింది మను బాకర్. లేకపోతే మూడు పతకాలు సాధించిన ఏకైక భారత్ క్రీడాకారిణిగా అవతరించేది. ఆ అవకాశం కాస్త మిస్‌ చేసుకుంది.
ఒలింపిక్స్ పిస్టల్ ధర రూ.కోటి! - మను బాకర్ రియాక్షన్ ఇదే - Manu Bhaker Reacted on PIstol Price
LED స్టంప్‌లు వెరీ కాస్ట్లీ! ధర ఎంతో తెలుసా? - Cricket LED Stumps Cost
