Badminton Asia Team Championship 2024 : మలేషియాలో జరిగిన ఆసియా టీమ్ ఛాంపియన్షిప్లో టీమ్ఇండియా చరిత్ర సృష్టించింది. ఆదివారం జరిగిన ఫైనల్స్లో థాయ్‌లాండ్‌పై 3-2 తేడాతో భారత మహిళల జట్టు గెలుపొందింది. ఈ నేపథ్యంలో బ్యాడ్మింటన్ ఆసియా టీమ్ ఛాంపియన్షిప్ టైటిల్‌ను గెలుచుకుని తొలి స్వర్ణాన్ని తన ఖాతాలో వేసుకుంది. రెండు సింగిల్స్‌, ఒక డబుల్‌ మ్యాచ్‌లో మన ప్లేయర్లు విజయాన్ని సాధించారు. గాయత్రీ గోపిచంద్-త్రిశా జోలీ జోడీ, పీవీ సింధు, అన్‌మోల్‌ ఖర్బ్‌ తమ మ్యాచుల్లో గెలిచారు. అంతకుముందు జరిగిన సెమీఫైనల్లోనూ సత్తా చాటిన టీమ్ఇండియా జ‌పాన్ ప్లేయర్లను చిత్తుచేశారు. అలా బ్యాడ్మింటన్ ఆసియా టీమ్ ఛాంపియన్షిప్స్ టోర్నీలో తొలిసారిగా ఫైనల్లో అడ‌గుపెట్టి రికార్డుకెక్కారు.
ఫైనల్స్ సాగిందిలా
Badminton Asia Team Championship Finals : భారత స్టార్ షట్లర్ పీవీ సింధు ఫైనల్లో తన ఆటతీరుతో అదరగొట్టేసింది. గాయం కారణంగా సుదీర్ఘ విరామం తర్వాత బ్యాడ్మింటన్ ఆసియా టీమ్ ఛాంపియన్షిప్స్ 2024 టోర్నమెంట్తో అదిరిపోయే కమ్బ్యాక్ ఇచ్చింది భారత స్టార్ షట్లర్ పీవీ సింధు. ఫైనల్లో కేవలం 39 నిమిషాల్లోనే థాయ్‌లాండ్‌కు చెందిన సుపనిద కతేతోంగ్‌పై 21-12, 21-12 తేడాతో ఘన విజయాన్ని సొంతం చేసుకుంది. దీంతో భారత్ ఆధిక్యం 1-0కి చేరుకుంది. ఆ తర్వాత రెండో మ్యాచ్‌లో గాయత్రీ గోపిచంద్-జోలీ త్రిశా జోడీ కూడా అద్భుతంగా పోరాడింది. థాయ్‌ షట్లర్లు కితిథరకుల్‌-రవ్విందాపై 21-16, 18-21, 21-16 తేడాతో గెలుపొందింది. దీంతో టీమ్ఇండియా లీడ్‌ 2-0తో దూసుకెళ్లింది.
అయితే, మూడో మ్యాచ్‌లో అష్మితా చలిహాకు ఓటమి ఎదురైంది. బుసనన్‌ చేతిలో 11-21, 14-21 తేడాతో ఆమె ఓడింది. ఆ తర్వాత మరొక డబుల్స్‌ మ్యాచ్‌నూ టీమ్ఇండియా కోల్పోయింది. శ్రుతి - ప్రియా జోడీ 11-21, 9-21తో ఓటమిపాలైంది. అయితే చివరి నిర్ణయాత్మక మ్యాచ్‌లో అన్‌మోల్‌ అదరగొట్టేసింది. 45వ ర్యాంకర్‌ పోర్న్‌పిచా చోయికీవాంగ్‌పై 21-14, 21-9 తేడాతో ఘన విజయం సాధించింది. అలా భారత్‌కు స్వర్ణం అందించింది.
-
ASIAN CHAMPIONS 👑
— BAI Media (@BAI_Media) February 18, 2024
History will remember this 🫶@himantabiswa | @sanjay091968 | @lakhaniarun1 #BATC2024#TeamIndia #IndiaontheRise#Badminton pic.twitter.com/QFA0uAlmEQ
హాంగ్కాంగ్ను చిత్తు చేసి సెమీస్లోకి ఎంట్రీ - తొలి పతకాన్ని ముద్దాడనున్న భారత్
ఆసియా బ్యాడ్మింటన్లో సింధు అదుర్స్- 3-2 తేడాతో చైనాపై భారత్ విక్టరీ
