Horoscope Today 25th September 2024 : 2024 సెప్టెంబర్ 25వ తేదీ (బుధవారం) మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారికి వృత్తి వ్యాపారాలలో ఆశించిన ఫలితాలు ఉంటాయి. ముందుగా నిర్దేశించుకున్న లక్ష్యాలను సాధించే దిశగా అడుగులు వేస్తారు. అవివాహితులకు వివాహం నిశ్చయమవుతుంది. నిరుద్యోగులకు ఉద్యోగ ప్రయత్నాలు ఫలిస్తాయి. ఆర్థిక పరిస్థితి నిరాశాజనకంగా ఉంటుంది. వ్యాపారంలో ఆశించిన లాభాలు లేనందున రుణాలు చేయాల్సి వస్తుంది. హనుమాన్ చాలీసా పారాయణతో మెరుగైన ఫలితాలు ఉంటాయి.
వృషభం (Taurus) : వృషభరాశి వారికి ఈ రోజు అనుకూలంగా ఉంటుంది. వృత్తి వ్యాపారాలలో తీరిక లేని షెడ్యూల్ నుంచి కొంత విరామం తీసుకొని సరదాగా గడుపుతారు. స్నేహితులు, కుటుంబసభ్యులతో విందు వినోదాలలో పాల్గొంటారు. అవసరానికి డబ్బు చేతికి అందడం వల్ల ప్రశాంతంగా ఉంటారు. ఉద్యోగంలో పదోన్నతులు ఉండవచ్చు. ఆరోగ్యం సహకరిస్తుంది. ఇష్ట దేవతారాధన శుభకరం.
మిథునం (Gemini) : మిథునరాశి వారికి ఈ రోజు సామాన్యంగా ఉంటుంది. వృత్తి పరంగా ఈ రోజు ఒత్తిడితో కూడుకున్న రోజు. మీ శక్తియుక్తలను ఒక్కచోటికి చేర్చి పనిచేస్తే తప్ప ఆశించిన ఫలితాలను అందుకోలేరు. భావోద్వేగాలను అదుపులో ఉంచుకోడానికి యోగా, ధ్యానం చేయాలి. ఆదాయాన్ని మించిన ఖర్చులు ఉండవచ్చు. అనారోగ్య సమస్యలు ఇబ్బంది పెడతాయి. సూర్య ఆరాధన శ్రేయస్కరం.
కర్కాటకం (Cancer) : కర్కాటకరాశి వారికి ఈ రోజు సరదాగా గడిచిపోతుంది. అన్ని రంగాల వారికి వృత్తి పరంగా, ఆర్థికంగా ఆశించిన ఫలితాలు ఉండడం వల్ల ప్రశాంతంగా ఉంటారు. మీ పాకశాస్త్ర ప్రావీణ్యంతో ప్రయోగాలు చేసి కుటుంబ సభ్యులను ఆశ్చర్య పరుస్తారు. ఇంటికి అతిథుల రావడం వల్ల పండగ వాతావరణం, సందడి నెలకొంటుంది. ఆరోగ్యం సహకరిస్తుంది. ఇష్ట దేవతారాధన శుభప్రదం.
సింహం (Leo) : సింహరాశి వారికి ఈ రోజు లాభదాయకంగా ఉంటుంది. ఉద్యోగులు కొత్త ప్రాజెక్టులలో పని చేసే అవకాశం రావడం వల్ల సంతోషంగా ఉంటారు. విదేశాలకు వెళ్లే అవకాశాలున్నాయి. స్నేహితుల సహాయంతో అదనపు ఆదాయ వనరులను సమకూర్చుకుంటారు. కుటుంబ సభ్యులతో విహారయాత్రలకు వెళ్తారు. వృథా ఖర్చులు నివారిస్తే మంచిది. స్వల్ప అనారోగ్య సమస్యలుంటాయి. ఆదిత్య హృదయం పారాయణ శక్తినిస్తుంది.
కన్య (Virgo) : కన్యారాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారికి వృత్తి వ్యాపారాలలో తీవ్రమైన పనిభారం కారణంగా మానసిక ఒత్తిడికి లోనవుతారు. తగిన విశ్రాంతి లేకుంటే ఆరోగ్యం క్షీణించే ప్రమాదముంది. ఓర్పు, సహనంతో ఉంటే అన్నీ సర్దుకుంటాయి. ఆదాయం సంతృప్తి కరంగా ఉంటుంది. అవివాహితులకు కల్యాణ ఘడియలు సమీపిస్తాయి. శ్రీలక్ష్మి ధ్యానం శుభప్రదం.
తుల (Libra) : తులారాశి వారికి ఈ రోజు అనుకూలంగా ఉంటుంది. ముఖ్యంగా కళారంగం, సినీ రంగం వారికి ఈ రోజు ఫలవంతంగా ఉంటుంది. మీ సామర్థ్యాన్ని, నైపుణ్యాన్ని ప్రదర్శించి అందరిని ఆకట్టుకుంటారు. కళ, కళాత్మక విషయాలపై మీకు అభిరుచి పెరుగుతుంది. నూతన అవకాశాలను అందుకుంటారు. సమాజంలో గౌరవ మర్యాదలు పెరుగుతాయి. ఆదాయం పెరుగుతుంది. ఆంజనేయ స్వామి ఆలయ సందర్శన శుభప్రదం.
వృశ్చికం (Scorpio) : వృశ్చికరాశి వారికి ఈ రోజు అనుకూలంగా ఉంటుంది. అన్ని రంగాల వారికి వృత్తి వ్యాపారాలలో తీవ్రమైన పనిభారం ఉన్నప్పటికినీ సమర్థవంతంగా ఒత్తిడిని ఎదుర్కొంటారు. చిన్ననాటి స్నేహితులను కలుసుకొని సరదాగా గడుపుతారు. ఉద్యోగంలో హోదా పెరుగుతుంది. స్థాన చలనం సూచన కూడా ఉంది. ఆర్థిక అంశాలలో అప్రమత్తంగా ఉండడం అవసరం. మీరంటే గిట్టని వారు చేసే విమర్శలను పట్టించుకోవద్దు. ఆరోగ్యం బాగుంటుంది. కార్యసిద్ధి హనుమ ఆలయ సందర్శన శుభప్రదం.
ధనుస్సు (Sagittarius) : ధనుస్సురాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలలో తీవ్రమైన ఒడుదొడుకులు ఉంటాయి. అయితే కష్టాలు ఎల్లకాలం ఉండవనే విషయాన్ని గుర్తుంచుకోండి. సన్నిహితులు, కుటుంబ సభ్యుల అండతో అన్ని సమస్యలు పరిష్కరించుకుంటారు. ఉద్యోగులు నూతన బాధ్యతలను స్వీకరిస్తారు. వృథా ఖర్చులు పెరుగుతాయి. అదనపు ఆదాయం కోసం చేసే ప్రయత్నాలు ఫలించవు. నవగ్రహ శ్లోకాలు పఠిస్తే మెరుగైన ఫలితాలు ఉంటాయి.
మకరం (Capricorn) : మకరరాశి వారికి ఈ రోజు అనుకూలంగా ఉంటుంది. ముఖ్యంగా ఈ రోజు వ్యాపారులకు ఫలవంతంగా ఉంటుంది. వ్యాపార విస్తరణ పనులు వేగంగా సాగుతాయి. మంచి లాభాలను గడిస్తారు. ఉద్యోగులకు ముఖ్యమైన పనులు అనుకున్న రీతిలో సాగుతాయి. ప్రమోషన్ ఛాన్స్ ఉంది. ఆర్థికపరమైన లావాదేవీలు అనుకూలంగా సాగుతాయి. ఆరోగ్యం సహకరిస్తుంది. శ్రీ విష్ణు సహస్రనామ పారాయణం శుభకరం.
కుంభం (Aquarius) : కుంభరాశి వారికి ఈ రోజు మిశ్రమ ఫలితాలు ఉండవచ్చు. వ్యాపారస్తులకు ఈ రోజు వ్యాపార నిమిత్తం చేసే ప్రయాణాలు అనుకూలిస్తాయి. భిన్న అభిరుచులు ఉన్న వ్యక్తులను కలుసుకుంటారు. ముఖ్యమైన వ్యవహారాలలో సర్దుబాటు ధోరణి అవలంబిస్తే మంచిది. కోపాన్ని అదుపులో ఉంచుకుంటే కలహాలు రావు. కుటుంబ వ్యవహారాల్లో సహనంతో ఉండాలి. ఆదాయాన్ని మించిన ఖర్చులు ఉండవచ్చు. శివారాధన శ్రేయస్కరం.
మీనం (Pisces) : మీనరాశి వారికి ఈ రోజు సామాన్యంగా ఉంటుంది. అన్ని రంగాల వారు ఈ రోజు కొత్త ప్రాజెక్టులు, అస్సైన్మెంట్లు మొదలు పెట్టవద్దు. కీలక వ్యవహారాలలో నిర్ణయాలు వాయిదా వేస్తే మంచిది. ఆర్థిక విషయాలలో తొందరపాటు నిర్ణయాల కారణంగా నష్టపోతారు. ఉద్యోగులు ఉద్యోగంలో ప్రమోషన్ కోసం గట్టి పోటీ ఎదుర్కోవాలి. బుద్ధిబలంతో వ్యవహరిస్తే పరిస్థితులు మీకు అనుకూలంగా మారే అవకాశం ఉంది. శ్రీలక్ష్మి గణపతి ఆరాధనతో మెరుగైన ఫలితాలు ఉంటాయి.
