టీడీపీ - జనసేన అభ్యర్థుల తొలి జాబితా విడుదల

First list of TDP JanaSena candidates: సార్వత్రిక ఎన్నికలకు తెలుగుదేశం-జనసేన కూటమి అభ్యర్థుల్ని ప్రకటించింది. మొత్తం 99 మంది అభ్యర్థులతో తొలి జాబితా విడుదల చేసింది. ఇందులో అసెంబ్లీ స్థానాలకు తెలుగుదేశం 94 మందిని ప్రకటించగా , జనసేన 24 స్థానాల్లో పోటీ చేస్తామంటూ 5 స్థానాల్లో అభ్యర్థులను ప్రకటించింది. ఈ మేరకు ఉమ్మడి జాబితాను తెలుగుదేశం అధినేత చంద్రబాబు, జనసేన అధినేత పవన్‌ కలిసి విడుదల చేశారు.

tdp janasena first list

Published : Feb 24, 2024, 12:25 PM IST

Updated : Feb 25, 2024, 6:30 AM IST

First list of TDP Jan Sena candidates: తీవ్ర ఉత్కంఠ నడుమ టీడీపీ-జనసేన ఉమ్మడి అభ్యర్దుల జాబితా విడుదలైంది. అమరావతి ఉండవల్లిలోని చంద్రబాబు స్వగృహంలో ఇరు పార్టీల అధినేతలు సమావేశమై ఉమ్మడిగా అభ్యర్దుల పేర్లను ప్రకటించారు. 99 మందితో వెలువడిన ఈ జాబితాలో అసెంబ్లీకి పోటీ చేసే వారిలో టీడీపీ నుంచి 94 పేర్లను ప్రకటించారు. జనసేన 24 స్థానాల్లో పోటీలో ఉంటుందని పవన్ ప్రకటించారు. వారిలో 5 స్థానాల్లో అభ్యర్దులను ప్రకటించారు. బీజేపీ పొత్తు కలసి వస్తే, మిగిలిన స్థానాల్లో అభ్యర్దుల పేర్లను ప్రకటిస్తామని టీడీపీ అధినేత చంద్రబాబు పేర్కొన్నారు. జనసేన మూడు పార్లమెంట్ స్థానాల్లో కూడా పోటీ చేస్తుందని తెలిపారు.

రాష్ట్రాన్ని నాశనం చేసిన వైసీపీ నుంచి ప్రజలకు విముక్తి కలిగించేందుకు తెలుగుదేశం-జనసేన పూనకున్నాయని చంద్రబాబు అన్నారు. రాష్ట్ర బంగారు భవిష్యత్ కోసం రెండు పార్టీలు తపిస్తున్నాయని, బీజేపీ ఆశీస్సులు తమకు ఉన్నాయని ఇరు నేతలు వెల్లడించారు. టీడీపీ-జనసేన విడుదల చేసిన ఈ జాబితాలో సీనియర్లకే పెద్ద పీఠ వేసినట్లు కనిపిస్తుంది. పార్టీ, ప్రాంతాలపై పట్టు ఉన్నవారికే అధినేత చంద్రబాబు ప్రాధాన్యత ఇచ్చినట్లు తెలుస్తోంది. చాలా మంది పాతవారే మళ్లీ టిక్కెట్లు దక్కించుకున్నారు.

Candidates Details: టీడీపీ జాతీయ అధ్యక్షుడు చంద్రబాబు కుప్పం నుంచి మరోసారి పోటీకి దిగనున్నారు. జనసేన అధినేత పవన్ కల్యాణ్ భీమవరం నుంచి లోకేశ్ మంగళగిరి బరిలో ఉన్నారు. టీడీపీ రాష్ట్ర అధ్యక్షుడు అచ్చెన్నాయుడు టెక్కలి నుంచి పోటీకి దిగుతుండగా, నాదెండ్ల మనోహర్ తెనాలి నుంచి పోటీకి సిద్దమవుతున్నారు.

TDP Candidates: