Savings Account Cash Deposit Limit : ప్రస్తుత డిజిటల్ యుగంలో దాదాపు అందరికీ బ్యాంక్ అకౌంట్స్ ఉండే ఉంటాయి. వీరిలో ఎక్కువ మంది పేమెంట్స్ చేయడానికి యూపీఐ యాప్స్ వాడుతున్నారు. ప్రభుత్వ పథకాలను పొందేందుకు, స్కాలర్షిప్, శాలరీ, ఇతర ఆర్థిక వ్యవహారాల కోసం ఏదో ఒక ప్రభుత్వ/ప్రైవేట్ బ్యాంకులో సేవింగ్స్ అకౌంట్ తప్పనిసరిగా ఉండాలి. సేవింగ్స్ అకౌంట్లో మీ డబ్బును సేఫ్గా డిపాజిట్ చేసుకోవడమే కాకుండా స్వల్ప వడ్డీని కూడా పొందొచ్చు. అయితే, మనలో చాలా మందికి బ్యాంకు సేవింగ్స్ అకౌంట్లో ఎంత డబ్బు నిల్వ చేసుకోవచ్చు? ఎక్కువ డబ్బులు డిపాజిట్ చేస్తే ఏమైనా సమస్యలు వస్తాయా? అని రకరకాల సందేహాలు వస్తుంటాయి. ఈ ప్రశ్నలకు ఆన్సర్స్ ఇప్పుడు చూద్దాం.
లిమిట్ ఎంతంటే?
శాలరీ వచ్చినా, ఏదైనా ల్యాండ్, ఫ్లాట్ రిజిస్ట్రేషన్ జరిగినా వచ్చిన సొమ్మును సేవింగ్స్ అకౌంట్స్లో డిపాజిట్ చేస్తుంటారు చాలా మంది. ఈ క్రమంలో కొందరికి సేవింగ్స్ బ్యాంకు ఖాతాలో ఎంత జమ చేయవచ్చనే విషయంపై సందేహం ఉంటుంది. అయితే సేవింగ్స్ అకౌంట్లో ఎంత డబ్బైనా జమ చేసుకోవచ్చు. దానికి లిమిట్ లేదు. కానీ ఆదాయపు పన్ను శాఖ ఒక ఆర్థిక సంవత్సరంలో సేవింగ్స్ అకౌంట్లో జమ చేయగల నగదుపై రూ.10 లక్షల పరిమితిని విధించింది. దీంతో రూ.10 లక్షల కంటే ఎక్కువ నగదుని జమ చేస్తే మీరు ఇన్కమ్ ట్యాక్స్ పరిధిలో వస్తారు. ఆ డబ్బుకు మీరు పన్ను చెల్లించాల్సి రావొచ్చు. అలాగే రూ.10 లక్షల కంటే ఎక్కువ మనీ మీరు జమ చేస్తే ఐటీ శాఖకు తెలియజేయాల్సి ఉంటుంది.
ఆదాయపు పన్ను శాఖ నిఘా పక్కా!
చాలా మంది మన బ్యాంక్ అకౌంట్స్ ఎవరు చెక్ చేస్తారులే! అని అనుకుంటూ ఉంటారు. కానీ, ఒక ఆర్థిక సంవత్సరంలో రూ.10 లక్షలు కన్నా ఎక్కువ నగదు సేవింగ్స్ అకౌంట్లో డిపాజిట్ అయితే, ఆదాయపు పన్ను శాఖ మీపై నిఘా వేస్తుంది. మీ సేవింగ్స్ అకౌంట్ డిపాజిట్ హిస్టరీని చెక్ చేస్తుంది. ఇలా రూ.10 లక్షల కన్నా డిపాజిట్లు దాటిన సేవింగ్స్ అకౌంట్స్ వివరాలను బ్యాంకులు ఐటీ శాఖకు తెలియజేస్తాయి. దీంతో సేవింగ్స్ అకౌంట్ ఖాతాదారుడికి ఐటీ శాఖ నోటీసులు పంపే ఛాన్స్ ఉంది. ఎఫ్డీలలో నగదు డిపాజిట్లు, బాండ్లు, మ్యూచువల్ ఫండ్స్, స్టాక్స్లో పెట్టుబడులు, ఫోరెక్స్ కార్డులు మొదలైన విదేశీ కరెన్సీ కొనుగోళ్లకు కూడా రూ.10 లక్షల పరిమితి వర్తిస్తుంది.
రైతులకు రూ.5లక్షల రుణం - 'కిసాన్ క్రెడిట్ కార్డ్' దరఖాస్తు ఇలా!
12% వడ్డీ అంటే ఒక్క రూపాయి - బ్యాంకు లోన్లపై వడ్డీ సింపుల్గా ఎలా లెక్కించాలంటే!
